Улсын Ерөнхий прокурор Б.Жаргалсайханы УИХ-ын гишүүн Н.Номтойбаярын бүрэн эрхийг нь түдгэлзүүлэх саналыг УИХ-ын гишүүний Халдашгүй байдлын дэд хорооны өнөөдрйин хуралдаанаар хэлэлцэхээр төлөвлөсөн байсан билээ. Гэвч хуралдаанд оролцох гишүүдийн ирц хүрээгүйн улмаас тодорхойгүй хугацаагаар хойшлогджээ.
УИХ-ын гишүүний Халдашгүй байдлын дэд хороонд УИХ-ын гишүүн Ө.Энхтүвшин, Ч.Улаан, Н.Энхболд, Д.Лүндээжанцан нар багтдаг бөгөөд тус дэд хороог Хууль зүй, дотоод хэргийн сайд Ц.Нямдорж ахалдаг юм. Дэд хорооны хурал өнгөрсөн долоо хоногт хуралдах товтой байсан ч гурван гишүүн нь гадаад болон дотоод томилолттой байснаас болж хойшилогдсон. Тэгвэл өнөөдрийн хуралдаанд гадаад томилолттой ажилласан УИХ-ын гишүүн Д.Лүндээжанцан ирсэн ч ХХААХҮ-ийн сайд Ч.Улаан томилолтоос ирээгүйн улмаас ийнхүү хойшилжээ.
Сэтгэгдэл (3)