Сэлэнгэ аймгийн Баруунбүрэн сумын Цагаан-Овоо багийн “Буриадын гарам” гэдэг газар “Ивэнтүрүү” ХХК-ийн харуулын байр өнгөрсөн 2019 оны арваннэгдүгээр сарын 29-ний өдрийн 19.08 цагт шатсан билээ. Тус харуулын байр нь Сайхан сумын төвөөс баруун урд зүгт 60 км зайд байрладаг байсан бөгөөд гал түймрийн үеэр тухай үед харуулаар ажиллаж байсан Орхон аймгийн Баян-Өндөр сумын харьяат иргэн 55 настай иргэн Х сураггүй алга болсон юм.
Иргэн сураггүй алга болсон дуудлагын дагуу аймгийн Цагдаагийн газар эрэн сурвалжилж байсан бөгөөд энэ сарын 13-наас эхлэн аймгийн Онцгой байдлын газарт эрэн хайх ажиллагааг зохион байгуулах тухай хүсэлт гаргажээ. Уг хүсэлтийн дагуу тусс аймгийн Онцгой байдлын газрын 11 алба хаагч, нэг автомашин, Цагдаагийн газрын 12 алба хаагч, нэг автомашинтай “Буриадын гарам” гэдэг газраас баруун зүгт Онцгой байдлын байгууллагын алба хаагчид 10 км-т, мөн газраас зүүн зүгт Цагдаагийн байгууллагын алба хаагчид 10 км-т эрэн хайх ажиллагааг үргэлжлүүлэн зохион байгуулсан байна.
Эх сурвалж: Онцгой байдлын ерөнхий газар