Хэнтий аймгийн Дэлгэрхаан сумын нутагт орших “Аварга тосон” нуур орчимд аялал жуучлал, эмчилгээний зорилготой үйл ажиллагаа явуулахыг нэг жилийн хугацаатай хоригложээ. Учир нь тус нуураас гэдэсний савханцар болон химийн найрлага илэрсэн байна. Тиймээс тус нуурыг аялал жуулчлалын чиглэлээр ашиглахыг нэг жилээр хориглож өгөхийг нутгийн иргэд сумынхаа удирдлагуудаас хүссэн хүсэлтийг тус аймгийн Дэлгэрхаан сумын ИТХ-аар хэлэлцэж дэмжсэн аж. Ингэснээр аймгийн ИТХ-аар хэлэлцүүлэхээр уламжилсан байна. Хэрвээ аймгийн Иргэдийн төлөөлөгчдийн хурлаас уг саналыг дэмжвэл уг нуурыг аялал жуулчлалын чиглэлээр нэг жил ашиглахгүй аж.
Өнгөрсөн 2019 онд тус нууранд 25 мянган очсон гэх судалгаа бий. Нуурын усны төвшин жил ирэх тусам багасаж байгаа бөгөөд эрүүл ахуйн шаардлага хангасан ариун цэврийн байгууламж байхгүйн дээр ойр орчимд нь хүмүүс хог хаягдлаа хаях нь олширсон аж.
Үүнээс болж нуурын экологийн тэнцвэрт байдал алдагдаж ширгэж эхэлжээ.
Ташрамд дурдахад, өнгөрсөн 2019 онд аймгийн мэргэжлийн хяналтын газар болон байгаль орчны газар хамтран тус нуурын усанд хоёр удаа шинжилгээ хийхэд нуурын ус эмчилгээний чанараа алдаж, химийн найрлага, гэдэсний савханцар илэрчээ. Нуурын эрэг дагуу 241 иргэн аж, ахуй нэгж үйл ажиллагаа явуулах зөвшөөрөлтэй байна.