УИХ-ын хаврын ээлжит чуулган эхэллээ. Хуралдааны эхэнд гишүүдийн ёсзүйн асуудлын талаар гишүүд байр сууриа илэрхийллээ.

УИХ-ын гишүүн Б.Бат-Эрдэнэ: Ёсзүйн дэд хорооны ажиллах нөхцөлийг хангаж өгмөөр байна. Хөрөнгө орлого нь үндэслэлгүйгээр нэмэгдсэн асуудлыг хуулийн байгууллагад шалгуул. Тодруул гэсэн. Энэ талаар АТГ-аас тэг орон алдаж, хайхрамжгүй хандсан асуудал байна гэж хэлсэн. Би үүнд тодорхой санал гаргасан дэмжигдсэнгүй. Уг нь Ёсзүйн дүрмийг яаралтай батлах, бэлэн болсон байгаа дэд хорооны бүтэц бүрэлдэхүүнийг батлуулах үүрэг Их Хурлын дарга өгсөн. Гэтэл ирц нь бүрдэхгүй байна. Жаахан хариуцлагатай баймаар байна шүү.

УИХ-ын дэд дарга Л.Энх-Амгалан: УИХ-ын гишүүний бүрэн эрхийг түдгэлзүүлэх тодорхой дэгтэй байдаг юм шүү. Эхлээд Халдашгүй байдлын дэд хороогоор орж дараа нь Хууль зүйн байнгын хороо уг асуудлаар хуралдана. Эцэст нь Төрийн байгуулалтын байнгын хороогоор асуудал орж, чуулганы хуралдаанаар шийддэг.  Ямартай ч Халдашгүй байдлын дэд хороон хуралдаан эхэлсэн. АНх бичиг ирэхэд гурван гишүүн байсан юм билээ.

Б.Лхам