Сэлэнгэ аймгийн Мандал сумын нутаг дэсвгэр дэх Ноён уулыг дархан цаазат болгох шийдвэрийг Засгийн газраас гаргасан билээ. Энэ хүрээнд аймгийн ИТХ-аас холбогдох бичгийг Засгийн газарт ирүүлэх ёстой ч өнөөг хүртэл өгөөгүй байгаа аж. Энэ талаар Ерөнхий сайд У.Хүрэлсүх аймгийн удирдлагуудаас тайлбар хүсэхэд ИТХ-ын дарга Бямбаа “Сэлэнгэ аймгийн Мандал сумын анхан шатны байгууллагаас дэмжихгүй байгаа юм билээ. Бичгээ ирүүлэхгүй байгаа. Иргэдийн нийтийн хурал нь” гэв. Харин Ерөнхий сайд У.Хүрэлсүх “Иргэдийн нийтийн хурал нь Ноён уулаа ухуулна гэж байгаа юм уу” хэмээн эгдүүцэв. Хариуд нь ИТХ-ын дарга Бямбаа “Дэмжихгүй гэсэн хариу ирүүлсэн учраас бид бичгээ өгөхгүй байгаа юм” гэсэн тайлбарыг өглөө. Үүнд эгдүүцсэн Ерөнхий сайд У.Хүрэлсүх “Иргэдийн нийтийн хурлынхан чинь бүгдээрээ хахууль авчихсан гэж үзэхээс өөр арга байхгүй. Нутаг усаа ухуулна гэж байна. Тийм хүмүүсийг Мандалын ард иргэд сонгосон гэж үзэх үү. Бидний байгаа байдал энэ. Улс наадахыг чинь шууд хурааж авна” хэмээн бухимдлаа.
С.Сүлд
Сэтгэгдэл (50)