Монголын үндэсний бөхийн холбооны алдаатай үйл ажиллагааг шүүмжилж, улсын аварга Н.Батсуурь, Ч.Санжаадамба, арслан Ц.Содномдорж, гарьд Б.Гончигдамба нарын бөхчүүд 200 гаруй бөхийн гарын үсгийг нэгтгэсэн шаардлагыг хоёр хоногийн өмнө холбооныхоо удирдлагуудад өргөн барьсан.
Бөхчүүдийн нэр хүнд, эрх ашиг нь хөндөгдөж, шударга бус байдалтай тэмцэхгүй байна гэж холбооныхоо удирдлагуудыг буруутгаж байсан. Цэцдийн зөвлөлийн хурлыг нэн даруй явуулж, "Их эе"-ийг хоёрдугаар сарын 10-ны дотор хийх ёстой гэж бөхчүүд үзэж байгаа юм. Тэгвэл МҮБХ-ноос энэ шаардлагыг хүлээн авч Цэцдийн зөвлөлийн хурлыг хоёрдугаар сарын 1-нд зохион явуулахаар болсон байна. Энэ хурлаас "Их эе"-ийн товыг гаргадаг учиртай.
Б.Жаргал
Сэтгэгдэл (1)