Коронавирусын халдвар нууц үе дээрээ бусдад халдварлах эрсдэл их байгааг Бээжин анхаарууулсаар байна. Халдварын голомт болсон Үхань хотод Монголын 31 оюутан хорио цээрийн бүсэд үлдсэн бол Монгол оюутнууд олноор суралцдаг Бээжин, Хөххот, Эрээн, Шилийн гол зэрэг хотуудад бүртгэгдээд буй. Мөн энэ сарын 26-нд Бугат хотод сэжигтэй хоёр тохиолдол илэрсэн.
Тэгвэл эдгээр хотуудад суралцдаг оюутнуудыг Монголдоо хэрхэн аюулгүй авчрах, нөхцөл байдал ямархуу байгаа талаарх мэдээллийг сонсохоор Гадаад харилцааны сайд Д.Цогтбаатараар ахлуулсан ажлын хэсгийнхэн БНХАУ-д суух Онц бөгөөд Бүрэн эрхэт Элчин сайд болох Ерөнхий консулт нартай онлайнаар яг одоо холбогдож байгаа аж.
Ерөнхий консулын газраас Монгол оюутнуудтай нэг бүрчлэн утсаар холбогдож байгаа, холбогдсон гэх мэдээллийг Гадаад харилцааны яамнаас бидэнд мэдээллэсэн боловч хятад суралцаж байгаа 10 гаруй оюутантай онлайнаар холбогдоход "Ийм зүйл огт болоогүй", "Хэн ч утсаар ярьж, ямархуу байгааг асуугаагүй", "Зөвхөн хотын цагдаагийн газраас утсаар залгаж, анхааруулаг хүргэсэн" гэлээ.
Гадаад харилцааны яамны шуурхай хурал дууссаны дараа бид мэдээллийг дэлгэрэнгүй хүргэх болно.
Г.Маргад
Сэтгэгдэл (1)