Төрийн байгуулалтын байнгын хороон хурал Орон нутгийн сонгуулийн тухай хуулиар үргэлжилж байна. Энэ үеэр орон нутгийн сонгуулийн санал өгөх хугацааг тухайн өдрийн 22.00 цаг болон 20.00 цаг болгож өөрчлөх асуудал марган дагуулж байлаа. Энэ үеэр гишүүд үг хэлж, хариулт авсан юм.

Л.Болд: Орон нутгийн сонгуулийг ирцгүй болгох саналыг хуралдаан даргалагч өгөөгүй. Та нар сонгуулийг ирцгүй болгох асуудлыг хэн нэгний саналаар оруулж ирж байна. Орон нутгийн сонгууль энэ янзаараа бүр бантан болж дууслаа. Бид үндэслэлүүдэээ ярьчихсан. Одоо бодлого яримаар байна. Их Хужрлын сонгууль хүчинтэй. Орон нутгийнх хүчингүй гэж болохгүй. Бид зөвшилцөө биз дээ. Гэтэл яагаад буцаж байгаа юм. Ийм улстөрийн соёлгүй байж болохгүй. 

Д.Эрдэнэбат: Сая Л.Болд гишүүн хэллээ. 79.2 дээр улстөрийн намууд хэлэлцэж байгаад дэмжих нь зүйтэй гэсэн байр суурьтай байсан. Санал хуралтаар шийдвэрлэсэн асуудлыг гүйцээн боловруулах нэрийн доор хийнэ гэдэг байж болохгүй асуудал. Хасна гэдэг гүйцээн боловсруулах асуудал биш. С.Бямбацогт оо, таныг овоо сийрэг ухаантай юм болов уу гэж бодсон чинь тэнэг хүнд ухаан байдаггүй гэгчээр харагдаж байна. Та нар энийг унагаах гэж байгаа бол Байнгын хорооны гишүүдийн гуравны хоёроор шийдээрэй. Эрх баригч нам хуультай, бусад нь хуульгүй гээд хэлчхээч тэгвэл. Нийт сонгогчийн олонх нь сонгоогүй байхад олонхийн санал аваагүй хүн тухайн ард түмнийг төлөөлнө гээд бод доо. Та нар Бүлгээрээ ярьсан байж болно. Гэхдээ ийм буруу жишиг гаргаж, хүчиндэж болохгүй. Нийтлэг эрх ашгийн тухай ярьж байхад ингэж муйхарламааргүй байна.

С.Бямбацогт: Би бол дэг сахиулагч, хуралдаан даргалагч. Гуравны хоёрын саналаар ийм асуудал шийднэ гэдэг асуудал чинь Дэгийн тухай хуулиараа л явах ёстой. Шийдсэн асуудлыг дахин ярих нь гүйцээн боловсруулах мөн. Та найман жил Их Хуралд суучихаад Дэгээ дутуу судалж.

Б.Лхам