Гуанжугаас Австрали руу очсон Монгол иргэн шинэ төрлийн коронавирусээр халдварласан эсэх талаар Эрүүл мэндийн яамнаас мэдээлэл хийлээ.

Энэ талаар Австлрали улсын Эрүүл мэндийн газраас “Монгол Улсын иргэн БНХАУ-ын Гуанжу хотоос энэ сарын 19-нд Австрали улсад ирсэн. Ирэхдээ ямар нэгэн шинж тэмдэггүй байсан ч шөнөдөө халуурч, тусгаарлагдсан. Ингээд энэ сарын 25-нд шинжилгээгээр коронавирус тогтоогдсон” гэсэн мэдээлэл ирүүлжээ.

Мэдээллийн дагуу нягтлахад манай улсын иргэн коронавирусээр халдварлаагүй. Гуанжу-Мельбурн хоорондын нислэгт явсан зорчигч халдвараар халдварласан байжээ. Харин манай улсын иргэний хувьд нэгдүгээр хавьталттай учраас тусгаарлаж, шуурхай арга хэмжээ авна гэдгийг хэлсэн юм.

Мөн коронавирусын халдвар цаг минутаар нэмэгдэж байна. Тодруулбал, одоогийн байдлаар уг вирусын улмаас 106 хүн нас барж, 4582 хүн өвчилжээ. Дэлхийн хүн ам энэ өвчнийг мэдрэг, эрсдэлийн үеийн харилцаа холбоогоор ажиллаж байна гэсэн юм. Улмаар гаднын халдвартай хүнтэй нэгдүгээр хавьталд орж, Монгол Улсад ирсэн учраас тодорхой журмын дагуу арга хэмжээ авч ажиллана гэлээ.

Б.Лхам