УИХ-ын С.Эрдэнэ тэтгэврийн доод хэмжээг 500 мянган төгрөг болгох хуулийн төсөл санаачиллаа.

Тэрбээр энэ талаар "Хөлсний доод хэмжээ 420 мянган төгрөг байхад тэтгэврийн дундаж хэмжээ ямар билээ. Юмны үнэ өдрөөс өдөрт өссөөр байна. Хамгийн түрүүнд эмзэг байдалд өртөх хүмүүс нь ахмадууд байдаг. Тиймээс уг хуулийн төслийг өргөн барилаа. Эдийн засгийн тооцоо судалгаа хийгдэж байгаа. Бид санал авах гээд Засгийн газарт хуулийн төслөө хүргүүлсэн. 30 хоногийн дотор хариу өгөх ёстой. Хэрэв ирүүлэхгүй бол шууд өргөг барих эрх үүснэ. Ер нь 2020 оны төсөв сонгуульд зориулагдсан. Баялаг бүтээх биш байшиг сахидаг хүмүүсийн тоог л нэмэгдүүлсэн. Сүүлийн дөрвөн жилд төсвийн алдагдал эрс нэмэгдсэн.

МАН асуудалд хонрцын сэтгэлээр хандаж байна. Ийм төсвөөр явж болохгүй. Төсвийн тодотгол зайлшгүй хийгдэж таарна. Сонгуулиас өмнө төсвийн үр дүн сайн зүйлд авчирна гэдэгт итгэлгүй байна. Ажилгүйдэл, ядуурал 30 хувьд хүрсэн. Гэвч энэ Засгийн газар юу ч хийсэнгүй. Хийж чадахгүй гэдгээ ч харууллаа.

Мөн хэвлэл мэдээллээр нөгөө л нэг МАНАН, 60 тэрбум зэрэг эсвэл С.Эрдэнэ Н.Номтойбаярыг өмгөөлж байна гэсэн хупал мэдээлэл явж байна. У.Хүрэлсүхэд бүрэн эрх мэдэл нь бий. Сэлмээ эргүүл л дээ. Нам дотроо шийдэж чадахгүй болохоор АН руу гүрддэг байж болохгүй" гэдгийг онцоллоо.

Б.Лхам