Шинэ төрлийн коронавирусын талаар мэргэжлийн байгууллагууд мэдээлэл хийлээ.

ДЭМБ-ын О.Ариунтуяа “Өнөөдрийн  байдлаар коронавирусын халдварын улмаас 4399 тохиолдол, 1018 нас баралт бүртгэгдсэн. БНХАУ-аас гадна бусад улсуудад 391 тохиолдол бүртгэгдээд байгаагаас ихэнх нь иргэн Хубай мужид зорчсон иргэд байсан юм. Гэвч зарим улсуудад шинж тэмдэг илрээгүй хүмүүс халдвар авсан. Мөн хятад руу айлчлаагүй хүмүүс халдвар авсан нь анхаарал татаж байна. ДЭМБ дэлхийн улсуудтай хамтран эрсдэлийг бууруулах чиглэлээр ажиллаж байна. Мөн эмнэлгийн ажилчдад онлайн сургалтад үргэлжлүүлэн сургана. Мөн олон улсын яаралтай баг авчирна” гэв

ХХЕГ-ын Хилийн боомтын аюулгүй байдал, шалган нэвтрүүлэх газрын дарга хурандаа Ц.Мягмардорж “Засгийн газраас хилийн боомтуудад зарим хязгаарлалт хийх асуудлаар холбогдох шийдвэрийг нэгдүгээр сарын 28-нд гаргасан. Үүнтэй холбоотой асудаалаар 01 тоот шийдвэр гарсан. Өчигдөр УОК-ын шийдвэрээр 04 тоот тогтоол гарсан. Засгийн газар УОК-ын шийдвэрээр Монгол-Хятадын хилийн боомтын зарим хөдөлгөөнд хязгаарлалт хийсэн. Хаасан асуудал байхгүй. Ингэхдээ хувийн хэргээр зорчихгүй байхад л хязгаарлалт хийсэн. Бусдаар албан ажлын зайлшгүй шаардлагаар нэвтрүүлж байгаа. Өчигдрийн УОК-ын шийдвэрээр гуравдугаар сарын 3-ны өдрийг хүртэл БНХАУ руу нүүрс тээвэрлэлтийг зогсоосон. Бусад эрдэс баялаг нэвтэрнэ. Замын-Үүд боомтоор хоёр улсын ачаа тээвэрлэлт эрхэлж байгаа автомашин нэвтэрнэ” гэсэн юм.

А.Сүх