Шинэ төрлийн коронавирусын алдварын тархалтын нөхцөл байдлын талаар мэргэжлийн байгууллагуудаас мэдээлэл хийлээ.

ЭМЯ-ны Олон нийттэй харилцах, тандалт шуурхай удирдлагын хэлтсийн дарга Д.Нарангэрэл “Шинэ тархац өндөр хэвээр байна. БНХАУ-ын 33 мужид өвчлөл тархсан. Коронавирусын халдвар авсан иргэний тоо 15300-аар, нас барсан иргэдимйн тоо 253-аар нэмэгдлээ. БНХАУ өвчин үүссэн цагаас хойш эрчимтэй ажиллаж байна. Нэгдүгээр хавьталт орсон хүмүүсийг эмчлэхээр тусгай объектод шилжүүлсэн нь нэмэгдүүлсэн мэт харагдуулж байна. Асуудал айдсаар биш, шинжлэх ухаанчаар хандах хэрэгтэйг ДЭМБ-аас анхааруулсан. Гэтэл хуурамч мэдээлэл энэ сарын 12-нд буюу өчигдөр их тархлаа. Тухайлбал, Г гэх залуу эмэгтэй хуурамч мэдээлэл их цацсан. Энэ нь хүмүүсийг айдаст хүргэж байна. УОК, Засгийн газраас олон шийдвэр гарсан. Гэвч иргэдийн ухамсаргүй үйлдлээс хуурамч мэдээлэл тараах, мөн өвчний шинж тэмдэг арсаар байхад олон хүнд тараах гэж байгаа юм шиг үйлдэл гаргаж байна. Бидний хувьд өвчлөлийг нууж байгаа зүйл байхгүй. Өдөр бүр мэдээлэл хийж байгаа. Учир нь 3 сая хүний орших, эс орших асуудал яригдаж байна шүү дээ.

ЭМЯ-ны Эмнэлгийн тусламжийн газрын дарга Я.Буянжаргал “Халдварын чиглэлээр ДЭМБ-аас өгсөн зөвлөмжийн дагуу урьдчилан сэргийлэх мэдээлэл өгч байгаа. Дараа нь эмнэлгийн тусламжийн бэлэн байдлыг хангах чиглэлээр ажиллаж байна. ХӨСҮТ-ийн хувьд 200 ор бэлдэж, шинжилгээ хийгээд явж байна. Мөн цэргийн төв эмнэлэг дээр 570 ор бэлдсэн. Мөн эмч мэргэжилтнүүдийг сургах, нөөцөөр хангах чиглэлээр ажиллаж байна. Иргэд хариуцлага хайхрамжгүй, иргэний үүргээ биелүүлэхгүй байна. Халдвар гарсан газар руу битгий яв, гараа сайтар угаа, амны хаалтаа зүү гэсэн зөвлөмжийн анхаарах”-ыг сануулсан.

ХӨСҮТ-ийн ерөнхий захирал Д.Нямхүү “Энэ сарын 11-нд Сүхбаатар аймагт илэрсэн сэжигтэй хоёр, Замын-Үүд суманд тусгаардлагдсан хоёр шинжилгээний хариу тус тус сөрөг гарсан” гэлээ.

А.Сүх