Шинэ төрлийн коронавирусын халдварын талаар холбогдох байгууллагуудаас мэдээлэл хийлээ.

ЭМЯ-ны Олон нийттэй харилцах, тандалт шуурхай удирдлагын хэлтсийн дарга Д.Нарангэрэл “Өнгөрсөн 24 цагийн байдлаар коронавирусын халдварын тоо 3,977, нас баралт 120-оор тус тус нэмэгджээ. Өчигдөр Засгийн газрын ээлжит хуралдаанаар олон арга хэмжээ авч хэрэгжүүлэхээр шийдвэрлэсэн” гэлээ.

ГХЯ-ны Консулын газрын дарга Л.Мөнхтүшиг “Засгийн газрын шийдвэрийн дагуу БНХАУ-д үлдсэн монгол иргэдийг эх оронд нь авчрах ажлыг яаманд хариуцуулсан. Өнөөдрийн байдлаар БНХАУ дахь консулын газрууд иргэдийг дахин бүртгэж байна. Нэгтгэсэн байдлаар нийт 491 иргэн байна. Хэрэв эдгээр иргэд эх орондоо ирэх хүсэлт гаргавал Элчин сайдын яам, Консулын газраар нь дамжуулан авчрах асуудлыг зохион байгуулна. Эхний ээлжинд Эрээн болон Хөххотод монгол руу буцахаар тасалбар авсан байсан 50 гаруй иргэдийг оруулж ирнэ. Мөн Засгийн газрын хуралдаанаас гарсан шийдвэрийн дагуу БНХАУ-аас ирсэн монгол иргэдийг хилээр нэвтэрсэн даруйд 14 хоног хүртэл тусгаарлана. 

Б.Лхам