Шинэ төрлийн коронавирусын халдварын талаар холбогдох байгууллагуудаас мэдээлэл хийлээ.

ХХААХҮЯ-ны Хүнсний үйлдвэрийн хөгжлийн бодлогын зохицуулалтын газрын дарга Т.Гантогтох “Ерөнхийлөгчийн зарлиг, Засгийн газраас гаргасан шийдвэрийн дагуу хүнс хөдөө аж ахуйн салбар өндөржүүлсэн бэлэн байдалд ажиллаж байна. Энэ хүрээнд өчигдөр гарсан шийдвэртэй холбогдуулан бараа бүтээгдэхүүний импорт зогсохгүй. Харин БНХАУ-аас ирэх шувууны мах, өндөг зэрэг бүтээгдэхүүнийг оруулж ирэхгүй. Цахим сүлжээгээр зах худалдааны төвийг хаана гэх ташаа мэдээлэл явж байна. Бидний хувьд хэвийн үйл ажиллагааг авч ажиллана. Улаанбуудай гурил хангалттай байгаа. Махны нийлүүлэлтийг нэмэгдүүлнэ. Иргэдэд анхааруулж хэлэхэд хүнсний хомсдол үүсэхгүй тул өдөр тутмынхаа бараа бүтээгдэхүүнийг сонгож, шим тэжээллийг нь сонгоорой” гэлээ.

Б.Лхам