Тавантолгой-Гашуунсухайт чиглэлийн 267 км төмөр замын бүтээн байгуулалтын нээлт болж байна. Энэ үеэр Зам, тээврийн хөгжлийн сайд С.Бямбацогт мэдээлэл өглөө.

Тэрбээр "ОХУ-ын улсын Ерөнхийлөгчтэй уулзлаа. Энэ үед Монгол Улсын Засгийн газраас хэрэгжүүлж буй бодлого Боомтын сэргэлтийг эрчимжүүлэх ажлын хүрээнд төмөр зам эрчимтэй баригдах алхмууд хийгдэж байна.

Зам тээврийн сайдын хувьд 2000 км орчим зам хүлээн авсан бол ойрын хугацаанд хоёр дахин нэмэгдүүлэх бодлого, зорилт тавин ажиллана.

Зүүн, Баруун босоо чиглэлийн төмөр зам, Богд хаан төмөр зам, Ханги мандлын төмөр замын бүтээн байгуулалтын ажлуудыг эрчимтэй хийж хэрэгжүүлж, ажиллана. Маш сайхан байна. Удахгүй Монголчууд төмөр зам ямар чухал болохыг мэднэ, мэдэрнэ. 14 жил хэрэлдсэн улстөрчдийн хэрүүл маргаанд эцэс тавигдсан сайхан өдөр болж байна.

Энэ төмөр зам 30-50 тонны хүчин чадалтай. Одоо автомашинаар хил дээр очиж буулгаад тээвэрлэж байгаа учир хүчин чадалдаа хүрэх болоогүй байгаа.

Төмөр зам баригдсанаар авто тээвэрчид ажилгүй, орлогогүй болно гэсэн санаа зовох зүйлгүй. Автомашинаар тээвэрлэлт мөн хийгээд явна. Ойрын үед Ханги Мандалын төмөр замын хил холболт, Зүүн баян-Тавантолгойн төмөр замын хил холболтуудын ОХУ, БНХАУ-тай хэлэлцэж шийдэх юм. Ингэснээр хил гаалийн гацаа, тээвэрлэлттэй холбоотой асуудал шийдэгдэнэ” гэв.

Д.Батчулуун