УИХ-ын ээлжит сонгууль болоход жил гаруйн хугацаа үлдлээ. Энэ сонгууль шинэ хуулийн дагуу зохион байгуулагдана гэсэн яриа бий. Өөрөөр хэлбэл, эрх баригчид Сонгуулийн хуулийг өөрчилж холимог систем оруулж ирнэ гэж буй. Гэхдээ зарим тойрогт нэр дэвшигчид тойргоо "услаад" эхэлсэн байна.

Тухайлбал Дундговиос Г.Мөнхцэцэгийг татаж оронд нь Б.Саранчимэг нэр дэвшихээр бэлдээд эхэлжээ. Мөн зарим тойрог дээр "нэр дэвшигчид" нь мөргөлдөж байна. Тийм эрэлттэй тойргийн нэгинь Эрдэнэт болоод байна. Өдгөө Эрдэнэтийг Н.Алтанхуяг, С.Ганбаатар, Д.Батлут нар төлөөлдөг.

Ирэх сонгуулиар уг гурван мандатын нэг дээр Байгаль орчны сайд Б.Бат-Эрдэнэ, "Эрдэнэс Тавантолгой"-н захирал Б.Ганхуяг хоёрын аль нэгт өгөхөө МАН-ын удирдлагууд хэлсэн байна.

Тиймээс Б.Бат-Эрдэнэ, Б.Ганхуяг хоёр Эрдэнэтэд нэр дэвших эрхийн төлөө өрсөлдөөд эхэлжээ. Тэд "Эрдэнэс Тавантолгой"-н ТУЗ-ийн дарга, гүйцэтгэх захирлаар ажиллаж байхдаа ч түнжин муутай, далдуур үзэлцээд байдаг байсан нь Эрдэнэтийн тойрогтой холбоотой бололтой.

О.Балдан-Очир