2022 онд нийслэлийн ногоон байгууламжийг нэмэгдүүлэх, иргэдэд ая тухтай орчин бүрдүүлэхэд чиглэн хийж буй бүтээн байгуулалт, тохижилтын ажлуудын талаар мэдээлэл хийж байна. Энэ үеэр Хууль зүй, Дотоод хэргийн сайд Х.Нямбаатар мэдээлэл өглөө.

Тэрбээр "Монгол Улсад хөрөнгө оруулалт хийсэн хамгийн том ААН байгууллага буюу Рио Тинто Оюутолгой төсөл Улаанбаатарчуудад дэлхийн жишигт нийцсэн цэцэрлэгт хүрээлэн байгуулах зардлыг 100 хувь шийдвэрлэж буй. Энэ цаг мөчид Нийслэлээс сонгогдсон УИХ-ын гишүүний хувиар болон Засгийн газрын гишүүний хувиар энэхүү арга хэмжээнд оролцож байна.

Оюутолгой төсөл бол Монгол Улс дахь гадаадын хөрөнгө оруулалтын толь гэж ойлгож болно. 

Өнөөдөр Оюутолгойн төсөл цаашид амжилттай үргэлжилж байж Монгол Улсад дараа дараагийн мега төсөл хөдлөх боломж бүрдэнэ. Бид хөрөнгө оруулалтын гэрээг сайжруулах олон зүйлс бидний ард хүлээлт үүсгээд байж байгаа. Гэхдээ бид том зүйлийнхээ ард гарч чадсан. Оюутолгой төслийн талаарх Монголчуудын ойлголт өнгөрсөн оны Засгийн газрын 103 дугаар тогтоолоор зөв ойлголт руу явж чадсан. Өнөөдрийн арга хэмжээнд оролцож буй хүмүүст талархал илэрхийлье" гэв. 

Д.Батчулуун