Хянан шалгах түр хорооны хуралдаанаар Монгол Улсын Хөгжлийн банкнаас цаг үеийн асуудлыг хэлэлцэж байна. Энэ үеэр УИХ-ын гишүүн Б.Бат-Эрдэнэ асуулт асууж, үг хэллээ. 

Тэрбээр, "Хөгжлийн банкны асуудал бараг нэг жил болох гэж байна. Ажлын хэсэг 56 хоног буюу хуульд заасан хугацааны дагуу хангаллтай ажилласан. Хэвийн зээлдэгч нарын тоо багассан ч чанаргүй зээлдэгч хэвээрээ байна. Тухайн үед эрүүгийн хэрэг хянан шалгах тухай хууль болон бусад хуулиар авч үзэх бололцоо байхгүй байсан. Энэ нээлттэй болсон уу гэдгийг асуумаар байна.

Мөн хөгжлийн банкны хөрөнгө мөнгийг бусад банкуудад хадгаламж маягаар байршуулсан. Үүнээсээ мөнгө завшсан гэж яригдаад байгаа. Үүнийг шалгаач гэхээр Н.Мандуул гэж нөхөр хохиролгүй гэсэн бичиг хийсэн гээд байгаа юм.

Түр хорооны ажлыг үргэлжлүүлээд явах ёстой. Чанаргүй 66 зээлдэгчдийн хүрээнд эргэлдээд байгаа юм. Бид байж болох ургийн модыг гаргасан. Хэвийн зээлийн ангилал руу янз бүрийн аргаар бултуулж байгаад орж байна. Улс төрийн нөлөө бүхий хүмүүс үүн рүү ордоггүй байх шаардлагыг хангах хэрэгтэй гэж үзэж байна” гэв.

Д.Батчулуун