МАН-ын удирдах зөвлөлийн хурал боллоо. Хуралдаанаар Хөдөлмөр нийгмийн хамгааллын сайд болон Хүнс хөдөө аж ахуй, хөнгөн үйлдвэрийн дэд сайд нарыг томилох асуудлаар хэлэлцжээ. Тухайлбал, Хөдөлмөр нийгмийн хамгааллын сайдаар УИХ-ын дэд дарга Т.Аюурсайханыг нэр дэвшүүлж, удирдах зөвлөл 100 хувийн саналаар дэмжсэн хэмээн ЗГХЭГ-ын дарга Д.Амарбаясгалан мэдээллээ. Мөн Хүнс хөдөө аж ахуй, хөнгөн үйлдвэрийн дэд сайдаар МАН-ын гишүүн, Социал демократ оюутны холбооны ерөнхийлөгч М.Ганхүлэгийг нэр дэвшүүлжээ. Ийнхүү уншигч та бүхэнд дээрх эрхэмүүдийн намтарыг хүргэж байна. 

УИХ-ЫН ДЭД ДАРГА Т.АЮУРСАЙХАНЫ НАМТАР:

Т.Аюурсайхан Турк улсын Докуз Ейлул их Сургуулийг эдийн засагч мэргэжлээр төгсчээ. Мөн Сөүлийн Үндэсний их сургууль, Японы Олон улсын их сургуулийг олон улсын хөгжлийн эдийн засгийн магистрын зэрэгтэй дүүргэсэн. 2007-2014 онд ХААИС-ийн Эдийн засаг, бизнесийн сургуулийн аспирантур, мен Эдийн засаг, менежментийн чиглэлээр докторын зэрэг /Ph.D/ хамгаалсан, мэргэжлийн эдийн засагч юм. 

• 1993 онд Нийслэлийн 23 дугаар дунд сургууль
• 1995-1999 онд БНТУ-ын Докуз Ейлүл их сургууль эдийн засагч
• 2004-2006 онд Сөүлийн Үндэсний их сургууль, Японы олон улсын их сургуулийг олон улсын хөгжлийн эдийн засгийн магистр
• 2007-2014 ондХААИС-ын Эдийн засаг, бизнесийн сургуулийн аспирантур
• 2014 онд Эдийн засаг, менежментийн чиглэлээр докторын зэрэг /Ph.D/ хамгаалсан.

Ажлын туршлага

• 2000-2005 онд“Аста Пресс” ХХК-д эдийн засагч, Ерөнхий захирал
• 2006-2009 онд Монгол Улсын Ерөнхийлөгч асан Н.Багабандийн шадар туслах
• 2008-2012 онд Нийслэлийн Чингэлтэй дүүргийн ИТХ-ын төлөөлөгч, тэргүүлэгч, ИТХ-ын Экологи, байгаль орчин, тохижилт, үйлдвэрлэл, үйлчилгээний хорооны дарга
• 2009-2012 онд Монгол Ардын Намын Удирдах зөвлөлийн Хэрэг эрхлэх газарт улс төрийн ажилтан, Ерөнхий нарийн бичгийн даргын зөвлөх
• 2012 онд Нийслэлийн Чингэлтэй дүүргийн Засаг дарга
• 2013-2015 онд Монгол Ардын Намын Хяналтын Ерөнхий Хорооны дэд дарга
• 2015 онд Засгийн газрын тохируулагч агентлаг Шударга өрсөлдөөн, хэрэглэгчийн төлөө газрын дарга
• 2016-2020 онд Монгол Улсын Их Хурлын гишүүн
• 2019-2020 онд Монгол Улсын Их Хурлын Аюулгүй байдал, гадаад бодлогын байнгын хорооны дарга
• 2020 оноос Монгол Улсын Их Хурлын гишүүн

Хөрөнгө орлогын мэдүүлэг

• Өөрийн орлого: 235 сая 
• Орон сууц: 1 тэрбум 210 сая
• Автомашин: 118 сая Суудлын жижиг машин,Toyota, Prius XW30, Mercedes Benz, GLE 400
• 498 саяар үнэлэгдэх малтай, 87 саяар үнэлэгдэх үнэт эдлэлтэй
• Газар 36 сая 
• Хадгаламж 162 сая 

СОЦИАЛ ДЕМОКРАТ ОЮУТНЫ ХОЛБООНЫ ЕРӨНХИЙЛӨГЧ М.ГАНХҮЛЭГИЙН НАМТАР:

М.Ганхүлэг нь 1990 онд төрсөн. ХААИС-ийн Эдийн засаг, бизнесийн сургуулийг маркетингийн удирдлагаар төгссөн байна. 2020 оноос Хэнтий аймгийн ИТХ-ын төлөөлөгчөөр Хэрлэн сумын тавдугаар багаас сонгогдон ажиллаж байгаа юм. 

Ажлын туршлага 

• "Ард контент групп"-ийн гүйцэтгэх захирал 

• 2019 онд ЗГХЭГ-ын даргын олон нийтийн харилцаа хариуцсан зөвлөх /Л.Оюун-Эрдэнийн үед/ 

• 2020 оны есдүгээр сараас МАН-ын улс төрийн бодлогын газрын дарга 

• 2022 оны гуравдугаар сараас НАМОХ-ны ерөнхийлөгч 

• 2022 оноос Ерөнхий сайдын ажлын албаны гишүүн, зөвлөх 

• Мөн Хэнтий аймгийн нутгийн зөвлөлийн гүйцэтгэх захирлаар ажилладаг. 

Хөрөнгө орлогын мэдүүлэг 

• Өөрийн орлого: 31 сая, гэр бүлийн орлого 21 сая 

• Орон сууц: 298 сая 

• Автомашин 14 сая /Toyota, Prius XW30-1/ 

• 124 саяар үнэлэгдэх малтай, 75 саяар үнэлэгдэх үнэт эдлэлтэй. 

• Газар 15 сая /Өмчлөх-700м2-1/ 

• Хадгаламж 25 сая 

• Зээл 201 сая 

• Ашдын Түүчээ ХХК-ийн 80 хувийг, Ард Контент Групп ХХК-ийн 50 хувийг эзэмшдэг. 

Д.Батчулуун