Цаг үеийн асуудлаар УИХ-ын гишүүн Б.Пүрэвдорж мэдээлэл өглөө.

Тэрбээр "Тэтгэврийн системийг өөрчлөх цаг болсон. Арван хүн тутамд дөрвөн тэтгэвэр авагч байгаа. Өөрөөр хэлбэл, арван хүн нийгмийн даатгалын шитгэл төлж байгаа гэдэг нь дөрвөн хүний тэтгэврийг төлж байна гэсэн үг. 2016 оноос хойш нийгмийн даатгалын сангийн хөрөнгийг арвижуулах талаар МАН юу ч хийгээгүй. Тэтгэврийг долоон жилээр тогтоодог байсныг таван жилээр тогтоодог болгож байна. Ингэхээр зургаан тэрбум төгрөгийн зардал гарах юм. Жилд 48 мянган ахмад тэтгэвэрт гарч байгаа хүмүүсийн асуудлыг шийдэх бүрэн боломжтой. Мөн буцаагаад яаж орлого олох вэ гэдгийг шийдэж өгч байгаа. Нийгмийн даатгалын сангийн байршиж байгаа хөрөнгийг төрийн санд арвижуулахгүй байлгах биш Монгол банкны үнэт цаасанд байршуулчихвал бодлогын хүүгээр өсөөд явах боломжтой. 

Хурал маш амжилттай болсон Телевизүүд гаргахгүй байна. МҮОНТ ирэхгүй байгаа юм. Намайг гаргахгүй байж болно. МҮОНТ бол ахмадуудын улсад төлсөн татвараар бий болсон, санхүүжигддэг байгууллага. Ахмадуудын тэмцэж буй зүйлийг дамжуулахгүй байна гэдэг буруу. 

Зарлагын дэд хороогоор хоёр удаа хойшлуулсан. Энэ төсөв бол маш их зардалтай төсөв. 2012-2016 он буюу дөрвөн жилтэй тэнцэх 20.4 их наяд төгрөгийн зардалтай. Зардлаа нөхөхийн тулл нүүрсээ гаргана гэдэг. Гэтэл нүүрс нь гардаггүй. Ийм нөхцөл байдалтай байна. 

Оны эцсээр дахин 500 сая долларын зээл авна. Үүгээрээ хэдэн сар төсвийн цоорхойгоо нөхөөд явах байх. Нүүрснээс орж ирж буй орлого байхгүй. Оптик гэрээнүүд бий" гэв. 

Д.Батчулуун