Шинэ оны эхний барилдаан өнөөдөр 12 цагаас "Цолгүй залуу бөхчүүд"-ийн анхдугаар барилдаанаар эхэлнэ. Нийтийн монголоос өөр нь улс, аймаг, сумын цолгүй бол хүссэн бүхэн барилдах эрхтэй гэдгээрээ онцлог бөгөөд бүртгэл 10:00 цагаас Монгол бөхийн өргөөнд, барилдах бөхчүүд өөрийн биеэр ирж бүртгүүлэх ажээ. 

Харин Сумын цолтон болон залуу бөхчүүдийн 2023 оны эхний барилдаан маргааш буюу нэгдүгээр сарын 08-ны 12:00 цагаас МБӨ-нд болно. Барилдах бөхчүүдийг өнөө, маргааш буюу 06, 07-ны өдрүүдэд цахимаар бүртгэнэ. Бүртгүүлсэн бөхчүүд барилдахаар ирэхдээ бүртгэлээ баталгаажуулах шаардлагатай ажээ. 

Л.Сайнаа