БАРИМТ 1
Одоогийн байдлаар дэлхийд нийт 1.6 сая гаруй ихэр хүн амьдарч байна гэсэн судалгаа бий.
БАРИМТ 2
Дэлхийн ихрүүдийн холбоог анх 1934 онд ихрүүдийн санаачилгаар тэдний тусын тулд байгуулжээ.
БАРИМТ 3
Америкийн Индиана муж улсын Мөнгөн нуураас (Silver Lake) гаралтай Эдуард М.Клинк, түүний ихэр Элси нар 1930 онд зохион байгуулсан ихрүүдийн цуглаанаас ихрүүдийн холбоо үүсэх суурь тавигджээ.
БАРИМТ 4
1980 онд Канадын Торонто хотод ихрүүдийн Их хурал болсон нь олон улсын хэмжээний анхны их хурал юм.
БАРИМТ 5
Үргүйдлийг эмчлүүлсний дараа ихэр хүүхэд төрөх магадлал их гэж америкийн эрдэмтэд тогтоожээ.
БАРИМТ 6
Өөр өндгөн эсийн ихэр хүүхэдтэй эх дахин ихэр хүүхэд төрүүлэх, мөн 40-өөс дээш насны хүмүүс ихэр хүүхэд төрүүлэх боломж өндөр байдаг.
БАРИМТ 7
Нэг хүүхдийг тээх хугацаа 39-40 долоо хоног байдаг бол хоёр ихэр хүүхэд төрүүлэх эхийн жирэмсний хугацаа 36, гурван ихэр хүүхдийг 33-34, дөрвөн ихрийг 30, таван ихрийг 28-29 долоо хоног тээдэг байна.
БАРИМТ 8
Нэг эсийн ихрүүд нэгэн зэрэг өвдөх нь элбэг тул эрдэмтэд үүнд тулгуурлан удамшлын өвчин, тэр дундаа чихрийн шижин, уушгины багтрааг судалж тогтоожээ. Мөн тохиолдлоор зэрэг өвдөх нь ч бий.
БАРИМТ 9
Хамгийн олон ихэр хүүхэд төрүүлсэн хүн бол Оросын Шуя хотын тариачин Фёдор Васильевын хоёр дахь эхнэр 1725-1765 он хүртэлх 40 жилийн хугацаанд 69 хүүхэд төрүүлсний хоёр нь л энджээ. Тэрээр 16 удаа хоёр ихэр, 7 удаа гурав, 4 удаа дөрвөн ихэр төрүүлжээ.
БАРИМТ 10
Пегги Линн хэмээх бүсгүй охин Ханнагаа 1995 оны 11 сарын 11-нд, дүү Эрикийг нь 1996 оны 2 сарын 2-нд буюу 84 хоногийн дараа төрүүлсэн нь хамгийн хол зайтай төрсөн ихрүүд болсон юм.
БАРИМТ 11
Хамгийн өндөр эрэгтэй ихрүүд бол Америкийн иргэн Майкл, Жеймс Ланье нар 2 метр 24см бол хамгийн өндөр эмэгтэй ихрүүд Хитер, Хайди Бург нар 1 метр 95 см өндөр ажээ. Хайди Бург нь “Лос-АНжелос Спаркс” багт 1997-1998 онд тоглож байжээ.
БАРИМТ 12
Харин хамгийн намхан ихрүүд бол АНУ-д төрсөн 86 см өндөртэй Жон Райс, Грэг Райс нар юм.
БАРИМТ 13
Энэтхэгийн иргэн Шакина Ражэндрам болон Кэвин Надаражан нарын ихэр Адиа, Адриал нар төрөх хугацаанаасаа 4 сарын өмнө төрснөөрөө Генниссийн номонд бичигджээ.
БАРИМТ 14
Хамгийн урт насалсан ихэр бол Японы Үмэно Сумияама, Коүмэ Кодама нар 1913 оны 11 сарын 5-нд Шодошима аралд төрсөн бөгөөд 107 нас 300 өдөр хоёулаа амьдарч байгаа нь мөн хамгийн удаан хамт байсан ихрүүд болж Геннисст бичигдсэн юм.
БАРИМТ 15
Эсийн аргаар гаргаж авсан хамгийн анхны ихэр бол 1981 оны 6 сарын 5-нд төрсөн Стивен, Аманда Мэйс нар юм.
БАРИМТ 16
Хамгийн олон буюу 10 ихэр хүүхэд төрүүлсэн тохиолдол цөөнгүй байдаг. Тухайлбал, Бразилд 1946 оны 4 сарын 22-нд арван ихэр хүүхэд төрсний хоёр нь хүү, найм нь охин байжээ.
БАРИМТ 17
Ренета тайзан дээр балет бүжиглэж байгаад гэнэт хэвлий орчмоор нь хүчтэй базалж өвдөн хэсэг хугацааны дараа ухаан алдаж унажээ. Гэтэл түүний ихэр Лотте тэр мөчид хүүхдээ төрүүлж байсныг хожим мэджээ.
БАРИМТ 18
Оросын Санкт-Петрбургийн ихрүүдийн холбоог уран уншигч А.Б.Васютинский ихрийнхээ дурсгалд зориулан байгуулжээ. Холбооны хүрээ тэлж, улмаар хотын захиргаанаас тусгай байр хүртэл гаргаж өгчээ.
БАРИМТ 19
Хамгийн алдартай сиамын ихрүүд бол Чанг, Энг Банкер нар юм. Тэд “Барнум энд Бойли” циркт ажиллаж байсан бөгөөд Умард Каролины эгч дүү Сара, Аделинда Йете нартай гэрлэжээ. Тэд 63 жил 8 сар амьдарч 21 хүүхэдтэй болсон юм.
БАРИМТ 20
Дэлхийд алдартай ихэр тамирчид цөөнгүй байдаг. Тухайлбал, чөлөөт бөхийн олимпын хошой, дэлхийн зургаан удаагийн аварга Сергей Белоглозов, чөлөөт бөхийн оломпын нэг, дэлхийн гурван удаагийн аварга Алексей Белоглазов нар юм. Тэд 1980-аад онд буюу Хүйтэн дайны үед цойлж гарсан аваргууд билээ.
БАРИМТ 21
Багийн спортод хамт хүчин зүтгэсэн алдартай ихрүүд бол Даниэл Сэдин болон Хэнрик Сэдин нар. Тэд хоккейн спортын тамирчид бөгөөд шигшээ багтаа зэрэг дуудагдаж, талбайд гарахдаа сайн ойлголцдог учраас мөн л зэрэг гаргадаг. Шведийн шигшээ багтаа 2006 оны олимпын алт, 1998 оны европын алт, дэлхийн хошой хүрэл медаль хүртсэн шилдэг тамирчид юм.
БАРИМТ 22
Тэгвэл урлагийн салбарт, тэр дундаа киноны салбарт ихэр хүмүүс цөөнгүй бий. Та бидний сайн мэдэх “Мөлхөө жаал” киноны гол дүрийн хүүгийн дүрд ихэр ах дүү Адам Роберт Уортон, Жакоб Иостеф Уортон нар тоглосон юм. Нэг нь ядарсан үед нөгөөг нь тоглуулдаг байсан гэнэ.
БАРИМТ 23
Багадаа ямар нэгэн шалтгааны улмаас хагацсан ихрүүд ижил нэртэй хүмүүстэй гэрлэх, хүүхдүүддээ төстэй нэр өгөх, ижил мэргэжил эзэмших, ижил сонирхолтой байх, нэгэн зэрэг өвдөх гэх мэт сонин тохиолдол олон байдаг.
БАРИМТ 24
Эцэст нь өгүүлэхэд, ихэр хүүхэд төрүүлсэн ээжүүд урт наслах магадлал өндөр байдаг ажээ.
