Зургадугаар сарын 1. Өнөөдөр Олон улсын хүүхдийн эрхийг хамгаалах өдөр. Энэ өдөр Монгол Улсын гурав дахь Ерөнхийлөгч Намбаярын Энхбаяр, олимпын анхны аварга Найдангийн Түвшинбаяр нар мэндэлжээ. XXI зууны эхэнд тодрон гарсан эрхэм хүмүүн гэвэл үнэнээс хол зөрөхгүй болов уу. Өнөөдөр Н.Энхбаяр 65, Н.Түвшинбаяр 39 нас хүрлээ. 

Н.Энхбаяр Ерөнхийлөгчөөр ажиллах хугацаандаа Монголыг он удаан жилийн их өрнөөс салгаж, Мянганы замыг эхлүүлсэн гээд тоочвол зөндөө. Түүнийг улс удирдах хугацаанд Монгол Улсын гадаад бодлого сэргэж, эдийн засгийн өсөлт хамгийн өндөр төвшиндөө хүрч байлаа. Ерөнхийлөгч байх хугацаанд долдугаар сарын 1-ний үймээн самуун түмэн олон, төр засаг нь хөлөө олохгүй сандралдан учраа олохгүй байж билээ. Бас мартаж болохгүй түүх юм.

Харин тэрхүү үймээн самууныг Н.Түвшиинбаяр сарниулж, олимпын наадмаас монголчуудын 40 жил хүлээсэн алтан медалийг хүртэж, бослого тэмцэл намжсан. Тэр олимпын наадамд хоёронтоо финалдаж түүхэн гавьяа байгуулсан манай улсын цор ганц тамирчин. Одоо тэр хэцүү нэртэд ял эдэлж байгаа ч монголчуудын өмнө дэлхийн тавцанд үзүүлсэн гавьяаг хэн ч үл мартана. 

Тэд туг барьсан, тугал ч хариулсан Монголын шилдэг хөвгүүд. Хийсэн гавьяагаа тэнгэр тултал эдэлж, хийсэн гайгаа эр хүн шиг үүрч яваа эрчүүд.