Монгол Улсаас АНУ-д суугаа онц бөгөөд бүрэн эрхэт Элчин сайд Ө.Батбаяр Цагаан ордны ҮАБЗ-ийн Зүүн Азийн асуудал хариуцсан Тэргүүн захирлаар шинээр томилогдсон хатагтай Мира Рэпп-Хүүпэртэй 2023 оны долдугаар сарын 28-ны өдөр Цагаан ордонд танилцах уулзалт хийв.

Талууд Монгол Америкийн харилцааны 2023 оны үлдсэн хагас болон 2024 онд хамтран хэрэгжүүлэх, ажил, арга хэмжээний талаар санал солилцов. Мөн хоёр талын харилцаа амжилттай хөгжиж ирсэнд сэтгэл хангалуун байгаагаа харилцан илэрхийлж, энэхүү амжилтыг улам бүр өргөжүүлэн бэхжүүлж ажиллахаар харилцан тохиролцов.

Элчин сайдын зүгээс хоёр орны ҮАБЗ хоорондын хамтын ажиллагааг үргэлжлүүлэх, айлчлалын давтамжийг хадгалахын чухлыг онцлон тэмдэглэв.