БАРИМТ 1
Тэрбээр 1964 оны гуравдугаар сарын 9-нд Английн Мерсисайд мужийн Ливерпүүл хотод төржээ.
БАРИМТ 2
Ричард Остин Квест нь Британийн сэтгүүлч бөгөөд CNN агентлагт мэдээний хөтлөгч, ерөнхий редактораар ажилладаг.
БАРИМТ 3
Тэрбээр Лидс дэх "Roundhay" сургуульд сурчээ. Дараа нь Эйрдейл, Варфедэйлийн коллеж, Лидсийн их сургуульд суралцсан байна. Ийнхүү 1983 онд Хууль зүйн бакалаврын зэрэг хамгаалжээ.
БАРИМТ 4
1985 онд ВВС-д дадлагажигч сэтгүүлч болж байв. Үүний дараа 1987 онд санхүүгийн хэлтэст ажиллаж эхэлсэн байна.
БАРИМТ 5
Харин 1989 онд түүний гэр бүл Нью-Йорк хот руу нүүж, тэрбээр BBC-ийн Хойд Америкийн бизнесийн сурвалжлагч болжээ.
БАРИМТ 6
Тэрбээр Пэдди О'Коннеллтэй хамт "World Business Report" хэмээх дэлхийн хөрөнгийн зах зээлийн талаар нэвтрүүлэг хийж байв.
БАРИМТ 7
2001 онд тэрбээр Business International нэвтрүүлгийг эхлүүлэхээр CNN телевизэд ажилд орсон.
БАРИМТ 8
Ажилд орсноосоо хойш янз бүрийн сэдвээр мэдээ нэвтрүүлэг бэлдэж байсан төдийгүй Британийн Хатан хааны гэр бүлтэй холбоотой хэд хэдэн арга хэмжээний талаарх CNN-ийн сурвалжлагыг удирдаж байсан.
БАРИМТ 9
Тэрбээр 30 гаруй жилийн турш шуурхай мэдээг сурвалжилжээ. Тухайлбал, Ковид-19 тахал, Ясир Арафатын үхэл, Локерби Пан Ам 103 онгоцны ослоос Майкл Жексоны үхэл хүртэлх олон түүхийн талаар мэдээ, сурвалжилга бэлтгэж байжээ.
БАРИМТ 10
Тэрбээр зөвхөн бизнес биш Дээрхийн гэгээнтэн Далай Ламаас эхлээд жүжигчин Жоан Коллинз, Playboy сэтгүүлийн үүсгэн байгуулагч Хью Хефнер зэрэг олон төрлийн зочин хүлээж авсан туршлагатай сэтгүүлч аж.
БАРИМТ 11
Ричард Остин Квест одоо "Quest Means Business" нэвтрүүлгээ хөтлөн явуулдаг бөгөөд нэвтрүүлгийн эхний дугаараа 2009 оны 1-р сард Давост болсон Дэлхийн эдийн засгийн форумын жил тутмын уулзалтын үеэр хийж байжээ.
БАРИМТ 12
Тэрбээр Монгол Улсад ажиллах хугацаандаа шинэ бүтээн байгуулалтуудтай танилцахаас гадна, эдийн засгийн орчин нөхцөл, гадаадын хөрөнгө оруулалт, хамтын ажиллагааны боломжуудын талаар мэдээ, сурвалжилга, нэвтрүүлэг бэлдэх юм.
Сэтгэгдэл (2)