Италийн хойд хэсгийн Венеци хот эцэст нь элсэлтийн хураамжийнхаа нарийн ширийн зүйлийг тодруулж, жуулчдаас төлбөр авдаг дэлхийн анхны хот боллоо. 2024 оны хавраас эхлэн хөвөгч хот гэгддэг Венецид ирэх жуулчид хонохгүй бол оргил ачааллын өдрүүдээр зочлохын тулд 5 евро буюу 5.40 ам.доллар төлөх шаардлагатай болно.
Гэхдээ энэ нь хараахан байнгын журам болчихоогүй байгаа. Тодруулбал Венецийн эрх баригчид эхлээд 30 хоногийн туршилт хийх үүрэг хүлээсэн гэж Twitter/X дээр хотын дарга Луижи Бругнаро мэдэгдэв. Эсвэл эрх баригчид сарын туршилтын хугацаа гэхээсээ урьдаар төлбөртэй өдрүүдийг тооцох хэрэгтэй гэж үзэх хүмүүс ч бий. Жишээлбэл, хамгийн их ачаалалтай байх өдрүүдийг болох баярын амралтын өдрүүд, багт наадмын оргил үеийг сонгож болох юм. Ямартай ч тэд сарын туршилтын хугацааг эхлэх өдрийг удахгүй товлох ажээ.
Уг журамд 14-өөс дээш насны Венецийн далайн эрэг хотыг бүхэлд нь хамарсан өдрийн аялал жуулчлалын хөтөлбөрийн жуулчид төлбөр төлөх шаардлагатай гэж заажээ. Харин орон нутгийн иргэд, зорчигчид болон хотод хоёр дахь байшинтай, орон нутгийн өмчийн татвар төлсөн хүмүүст, мөн хотын захиргаанд хонож буй жуулчид, спортын арга хэмжээнд оролцож буй хүмүүст хөнгөлөлт үзүүлэх ажээ. Чөлөөлөгдсөн хүмүүс аяллаа захиалахын тулд онлайнаар бүртгүүлэх шаардлагатай хэвээр байна.
Энэ алхам нь 2019 онд жуулчдаас 3-10 евро хүртэлх татвар авна хэмээн ярьж байснаас нь харьцангуй хямд татаас байх болно.
Л.Сайнаа
