Дональд Трампын худалдааны зөвлөх асан Питер Наварро 2021 оны нэгдүгээр сарын 6-ны өдөр АНУ-ын Капитол руу халдсан хэргийг шалгаж буй Төлөөлөгчдийн танхимын сонгон шалгаруулах хорооноос ирүүлсэн дуудлагыг биелүүлээгүйн улмаас Конгрессыг үл хүндэтгэсэн хэргээр ял сонслоо. 

Наварро бол тус хороотой хамтран ажиллаагүйн улмаас яллагдагчаар татагдсан экс ерөнхийлөгчийн хоёр дахь туслах юм. Трампын туслах Стив Бэннон өнгөрсөн онд хоёр удаа үл хүндэтгэсэн хэргээр ял сонссон. Бэнноны хэрэг одоогоор давж заалдах шатандаа явж байна. Наварро мөн уг асуудлаар давж заалдахаа амлав.

Тэрбээр “Шүүхийн шийдвэр ямар байхыг бид мэдэж байсан. Тиймээс давж заалдах шатны шүүхэд хандаж байна” гэж шүүхийн гадаа сэтгүүлчдэд мэдэгдэв. Мөн "Хараач, бид анхнаасаа л Дээд шүүхэд хандана гэж хэлсэн. Би анхнаасаа л энэ асуудлыг шийдэхийн тулд шоронд ороход бэлэн байна, тэгэх ч болно гэж хэлж байсан" гэв. 

Шүүхийн шийдвэрийг уншсаны дараа Наваррогийн өмгөөлөгчид шүүхийг буруутай болгохыг хүссэн нь пүрэв гарагийн үдээс хойш тангарагтны шүүгчид гадаа завсарлага авахад эсэргүүцэгчид ямар нэгэн нөлөө үзүүлсэн байж болзошгүй гэсэн болгоомжлолыг төрүүлэв. АНУ-ын дүүргийн шүүгч Амит Мехта уг хүсэлтийг шууд шийдвэрлэсэнгүй.

Л.Сайнаа