Лхагва гарагт шоронгоос оргосон террорист сэжигтнийг эрэн сурвалжлах гурван өдрийн ажил дууссаныг Лондон хотын цагдаагийн газраас мэдэгдэж, гэмт этгээдийг илрүүлэн баривчилжээ. Халифыг терроризмын эсрэг албаны ажилтан Лондоны баруун хэсгийн Чисвик дүүрэгт унадаг дугуйтай явж байхад нь татаж унаган, баривчилсан бөгөөд тухайн өдрийн өглөө эрэн хайх ажиллагааг зузаатгаад байсан гэнэ. 

Терроризмтой тэмцэх командлагч Доминик Мерфи хэлэхдээ, хуучин цэрэг хууль бусаар эрх чөлөөтэй явсан, оргосон хоригдол байсан гэх үндэслэлээр баривчлагдсан гэж PA Media мэдээлэв. Террорист 21 настай сэжигтэн Лхагва гарагт Вандсворт шоронгоос оргосны улмаас томоохон хэмжээний эрэл хайгуул хийж, нислэгүүдийг хойшлуулж, Британийн боомтуудад шалгалтыг чангатгахад хүрсэн юм. 

Тэрбээр цэргийн баазад хуурамч бөмбөг тавьсан буюу терроризмын хэргээр шүүх хурлыг хүлээн шоронд хоригдож байсан гэж PA мэдээлэв. Мөн өөрт нь тулгасан гурван хэргийг үгүйсгээд байгаа юм. Халифе тогооч шиг хувцаслаж, хүргэлтийн фургоны доод хэсэгт нуугдан шоронгоос оргожээ. Цагдаа нар шоронгоос зүүн зүгт хоёр милийн зайд ачааны машиныг хайж олоход Халифе хэдийн алга болсон байжээ. 

Энэхүү үйл явдал нь хорих ангийн үйл ажиллагааг буруушааж, бие даасан мөрдөн байцаалт явуулах гол үндэслэл болоод байгаа юм. Халифыг баривчлагдсаны дараа Их Британийн Ерөнхий сайд Риши Сунак цагдаа болон Британийн олон нийтэд талархал илэрхийлэв.

Тэрбээр “Би энэ мэдээнд маш их баяртай байна, мөн сүүлийн хоёр өдрийн турш хийсэн гайхалтай ажилд нь цагдаагийн алба хаагчдад талархал илэрхийлье, мөн цагдаагийн байгууллагын ажилд туслан их хэмжээний мэдээлэл авч ирсэн олон нийтэд баярлалаа” гэж Энэтхэгийн Нью Дели хотод болсон "G20" дээд хэмжээний уулзалтын гадаа сэтгүүлчдэд хэлэв. Сунак хэлэхдээ, засгийн газар Халифе хэрхэн зугтаж чадсан талаарх мөрдөн байцаалтаа үргэлжлүүлнэ. "Гэхдээ энэ бол үнэхээр таатай мэдээ" гэж нэмж ярив. 

Л.Сайнаа