Европын холбоо Украины дайны улмаас учирсан хохирлыг бүртгэж, ОХУ-д хариуцлага тооцох алба байгууллаа гэж тус зөвлөл мягмар гарагт мэдэгдлээ. Латвийн нийслэл Рига хотод болсон бага хурлын үеэр дэлхийн 40 гаруй орны төлөөлөгчдийг оролцуулсан уг албыг байгуулжээ. 

Тодруулбал, Европын Зөвлөлийн гишүүн болон ажиглагч орнуудын Хууль зүйн сайд нар ОХУ-ын Украины эсрэг хийсэн түрэмгийллийн төлөө иж бүрэн хариуцлага хүлээлгэх, дайнд нэрвэгдэгсдийн хохирлыг барагдуулах хэд хэдэн зарчмыг ("Ригагийн зарчим") тодорхойлсон тунхаглалыг баталсан байна. 

Хохирлын бүртгэл гэж нэрлэгддэг цахим платформ нь "Оросын олон улсын хууль бус үйлдлүүдийн улмаас холбогдох бүх хувь хүн, хуулийн этгээд, түүнчлэн Украины мужид учирсан хохирол, хохирлын нотлох баримт, нэхэмжлэлийг бүртгэх зорилгоор байгуулагдсан дижитал платформ юм. 

Мэдэгдэлд дурдсанаар, Бүртгэлийн төсвийг оролцогч улсуудын жил бүр үнэлдэг шимтгэл, түүнчлэн сайн дурын хандиваар санхүүжүүлдэг. Нидерланд болон Европын холбоо бүртгэлийн эхлэх зардалд сайн дурын үндсэн дээр ихээхэн хувь нэмэр оруулав. 

ЕХ-ны иргэдийн дийлэнх нь Украиныг үргэлжлүүлэн дэмжихийг дэмжиж байгаа гэсэн судалгааг Европын Комисс даваа гарагт нийтэлжээ. Судалгааны дүнгээс харахад “Европын холбоо дайнд нэрвэгдсэн ард түмэнд хүмүүнлэгийн тусламж үзүүлсээр байгааг 86 хувь нь сайшааж, 77 хувь нь дайнаас дүрвэсэн ЕХ-ны иргэдийг хүлээж авахыг, 71 хувь нь Оросын эсрэг эдийн засгийн хориг арга хэмжээ авахыг дэмжсэн” гэжээ.

Л.Сайнаа