Монголын рок попын ууган хамтлаг болох Чингис хаан хамтлаг “ХХI зуун” тоглолтоо хийхэд нэг хоног үлджээ. Тэд 1999 онд “ХХ зуун” тоглолтоо “Монгол бөхийн өргөө”-нд гурван өдөр дараалан тоглосон билээ. Үүнээс хойш 24 жилийн дараа буюу 2023 оны 9 сарын 16-ны өдөр төв цэнгэлдэх хүрээлэнд сонсогч олондоо уран бүтээлээ хүргэх гэж байна.
“Чингис хаан” хамтлаг нь 1989 онд байгуулагдан “Аяа анд минь чи хаалгыг минь тогшооч” дуугаар уран бүтээлийн гараагаа эхлэн, дуулсан дуу, зохиосон шүлэг, тоглосон ая бүрээрээ ард түмнийг байлдан дагуулсан билээ.
“ХХI зуун” тоглолтын найруулагчаар “On and off” продакшн ажиллаж буй. Тоглолтод урилгаар МУГЖ Т.Ариунаа, МУГЖ Б.Сарантуяа, МУГЖ Ж.Алтанцэцэг, СТА С.Сэрчмаа, СТА С.Наран, дуучин Наагий, Хар сарнай хамтлаг, Niciton хамтлаг, Guys хамтлаг, Киви хамтлаг гэх мэт олны хайр хүндэтгэлийг хүлээсэн уран бүтээлчид ирж ая дуугаа өргөнө.
Эл тоглолттой холбогдуулан Чингис хаан хамтлаг болон тус хамтлагийн ахлагч, Ардын жүжигчин Д.Жаргалсайханы үг аяыг нь зохиож дуулан олны хүртээл болгосон, мөн үг аяыг нь зохиосон ХИТ 10 дууг хүргэж байна.
1. Аяа анд минь чи хаалгыг минь тогшооч
2. Эрхүүгийн хавар
3. Учралын эгшиг
4. Шувууд нутаг буцаагүй
5. Хундагаа өргөе
6. Шилийн Богд
7. Нүдэн охин
8. Харийн нутаг
8. Нууцхан хайр
10. Заяа
