Канад, АНУ гаралтай Холлиувудын алдарт жүжигчин Райан Рейнольдс болон АНУ-ын нэрт жүжигчин Роб МакЭлхенни нарын Уэльсэд эзэмшдэг хөлбөмбөгийн клуб болох "Wrexham AFC"-ийн талаар ярихад Рейнолд өөрийн хүүхдүүдийн аль нэгийг нь зарах талаар хошигноод амжлаа. 

Мягмар гарагт болсон “Welcome to Wrexham” киноны хоёрдугаар улирлын нээлтийн үеэр Рэйнолдс, МакЭлхенни нар Их Британийн засгийн газрын Түвшинжүүлэх сангаас 20 сая фунт стерлингийн (25 сая ам. доллар) буцалтгүй тусламж авахгүй гэдгээ мэдсэн бөгөөд энэ нь тэдэнд хэрэгтэй гэж тайлбарлав. 

"Wrexham AFC"-ийн ТУЗ-ийн зөвлөх Шон Харви тус ангийн үеэр Рейнолдс, МакЭлхенни нарт мэдээлэл хүргэв. Харви тэдэнд "Бид шийдлийг олох болно, учир нь бид хайрцагнаас гадуур сэтгэж, өөрөөр хийх хэрэгтэй болно" гэж өөдрөгөөр хэлэв.

"Би хүүхдүүдийнхээ нэгийг зарна" гэж Рейнолдс хошигноод, "Надад дөрвөн хүүхэд бий. Би тэдний нэрийг ч мэдэхгүй байна” гэж хэлжээ. “Дэдпул” киноны жүжигчин эхнэр Блэйк Лайвли болон дөрвөн хүүхдийн хамт амьдардаг. Хосууд саяхан дөрөв дэх хүүхдээ өлгийдөн авсан. Тэдний хүүхдүүд болох 7 настай Жеймс, 6 настай Инез, 3 настай Бетти нараас гадна хүйс нь тодорхойгүй нялх хүүхэдтэй. 

“Рексхэмд тавтай морил” кинонд Холливудын хос хөлбөмбөгийн багийг эзэмшиж байгаа бөгөөд тэд Үндэсний лигт 15 жил гацсаны эцэст клубээ Хөлбөмбөгийн лигт дэвшүүлэхээр ажиллаж байгаагаар гардаг. 

Л.Сайнаа