Есдүгээр сарын 23-нд төвийн аймгуудын нутгийн хойд хэсгээр бороо, уулаараа нойтон цас орно. Энэ сарын 24-нд нутгийн баруун хэсгээр, 25, 26-нд нутгийн хойд хэсгээр бороо, цас орж, цасан шуурга шуурахыг Цаг уурын байгууллагаас анхаарууллаа.

Есдүгээр сарын 26-нд ихэнх нутгаар сэрүүсэж, Алтай,  Хангай, Хөвсгөлийн уулархаг нутаг, Завхан голын эх, Хүрэнбэлчир орчмоор шөнөдөө -4...-9 градус хүйтэн, өдөртөө +2...+7 градус дулаан байх бол Хэнтийн уулархаг нутаг, Идэр, Тэс, Туул, Тэрэлж  голын  орчмоор  шөнөдөө 0...-5 градус хүйтэн,  өдөртөө +6...+11 градус байх төлөв гарчээ.

Монгол Улсын хувьд өнгөрсөн наймдугаар сарын агаарын дундаж температур өмнөх жилээс 1.9 градусаар, олон жилийн дунджаас 1.1 градусаар дулаан байсан нь 1940 оноос хойш тохиож байгаа долоо дахь дулаан сар болжээ.