Хөгжмийн зохиолч, продюсер Б.Чинбат АНУ-ын “Disney On Ice” шоуны хөгжмийн зохиолчоор шалгарсан билээ. Тэгвэл дэлхийд алдартай 104 жилийн түүхтэй “Ringling Brothers & Bailey” болон "Greatest show on earth" цирк тодорхой хугацаанд хаагдаж байгаад дахин нээлтээ хийжээ. Энэ шоуны хөгжмийн зохиолчоор монгол уран бүтээлч ажилалаа. Энэ талаар тэрбээр өөрийн цахим хуудсандаа ийнхүү нийтэлжээ.

Тэрбээр “Өөрийн зохиож найруулсан хөгжмийг  танхим дүүрэн үзэгчидтэй "Disney On Ice" show - нд амилж байхыг харах гоё мэдрэмж байна. Ингээд энэ шоу маань дэлхийн  аяллаа эхэлж байна.

Намайг дэмжиж сэтгэлийг минь хөглөж байсан үзэгчид, сонсогчид, амин хайртай фенүүддээ маш их баярлалаа.

Гар утсаар хийсэн бичлэг тэсэж чадалгүй та нартайгаа хуваалцаж байна. Өнөөдөр бас төрсөн өдөр минь болж байна. Миний уран бүтээлийг дэмжиж надтай үргэлж хамт байж бүтээсэн дуу хөгжим болгоныг минь зүрх сэтгэлээрээ шимтэн хүлээж авдаг Монголын ард түмэндээ маш их баярлалаа Хайртай шүү. 
“Disney On Ice” Шоуны продюсер Adam Loosley баярласан сэтгэлээ илэрхийлж бичлэг явуулжээ. Энэ шоуны хамгийн оргил хэсэг нь Монголын хөгжмийн зохиолч Чинбатын зохиосон хөгжим байлаа гэж намайг урамшууллаа. Үүнд Монгол талаас “Pro Music” Студи S4 хамтлагийн Шинээ (sound engineer) Око (mix and mastering) хоёртоо маш их баярлалаа. Та 2 дэлхийн шоунд ур чадвар авьяасаа үнэлүүллээ. Баяр хүргэе. Thank you "Disney On Ice"” гэжээ.