БАРИМТ 1
Вячеслав Викторович Володин 1964 оны хоёрдугаар сарын 4-нд Саратов мужийн Хвалынскийн дүүргийн Алексеевка тосгонд өнөр өтгөн гэр бүлд төржээ.
БАРИМТ 2
Түүний аав голын флотын ахмад байсан бөгөөд 1969 онд 51 насандаа таалал төгсжээ.
БАРИМТ 3
В.В.Володин сургуулиа төгсөөд өндөр настай ээжийгээ ганцааранг нь орхихыг хүсээгүй тул Ленинград руу ажилд орохоос татгалзаж, төрөлх нутагтаа үлджээ.
БАРИМТ 4
Тэрбээр хөдөөгийн сургуульд бага ангийн багшаар ажиллаж байсан.
БАРИМТ 5
1986 онд Саратовын Хөдөө аж ахуйн механикжуулалтын дээд сургуулийн зохион байгуулалт, технологийн факультетийг механик инженерийн мэргэжлээр, 1995 онд ОХУ-ын Ерөнхийлөгчийн дэргэдэх ОХУ-ын Төрийн үйлчилгээний академийг хуулийн чиглэлээр тус тус төгсжээ.
БАРИМТ 6
Тэр ОХУ-ын улс төрч бөгөөд одоо Төрийн Думын 10 дахь даргаар ажиллаж байна. Тэр Төрийн Думын даргаар 2016 оны аравдугаар сарын 5-наас ажиллаж эхэлсэн байна.
БАРИМТ 7
Тэрбээр Ерөнхийлөгч Владимир Путины туслах асан. Өөрөөр хэлбэл, Путины ойр дотны хүмүүсийн нэг юм.
БАРИМТ 8
Нэгдсэн Орос намын Ерөнхий нарийн бичгийн дарга асан тэрээр 1999-2011 он хүртэл, 2016 оноос өнөөг хүртэл Төрийн Думын депутатаар ажиллаж байсан.
БАРИМТ 9
2010-2012 онд ОХУ-ын Ерөнхий сайдын орлогчоор ажиллаж байжээ. Мөн ОХУ-ын Ерөнхийлөгчийн Тамгын газрын нэгдүгээр орлогч даргаар ажиллаж байсан. Тэр ОХУ-ын Төрийн Зөвлөлийн нэгдүгээр зэрэглэлийн холбооны улсын иргэний албаны зэрэгтэй.
БАРИМТ 10
В.В.Володин гурав дахь бүрэн эрхийн хугацаандаа Путины консерватив эргэлтийг боловсруулсан.
Сэтгэгдэл (3)