Хүйтэн сэрүүн орсон эдгээр өдрүүдэд сэтгэлээ сэргээж хүйтнээс холдож гэр бүл, найз нөхөд, хамт олноороо үр бүтээлтэй өнгөрүүлэхэд тань аялал хамгийн зөв сонголт байх болно. Ажлын их ачаалал, чимээ шуугианаас бага ч болов хөндийрч дэлхий ертөнцийн өөр нэгэн соёл иргэншилтэй танилцах аяллын маршрутад тань заавал багтах таван улсыг танилцуулж байна.

1. Финлянд - Лапланд хот

Зуны саруудад Лапланд хот нь 24 цагийн турш нартай байдаг ч өвлийн улиралд бараг бүхэлдээ харанхуй нөмөрдөг. Гайхамшигт туйлын туяаг харахын тулд та заавал өмнөд туйлд очих шаардлагагүй. Лапланд хотод туйлын туяаг харах боломжтой. 

2. Франц - Страсбург хот

Аяллын жолоогоо халуун орны зүг залж, өвлийн жавартай өдрүүдийг хүсэхгүй байгаа бол Францын Страсбург хот танд яг тохирно. Тэр тусмаа зул сарын баяраар хотоо тэр чигээр нь маш үзэсгэлэнтэй болгон чимэглэдэг. Зул сарын баярт зориулан бэлтгэдэг гайхалтай амттан, дарс, жигнэмгийг та зөвхөн энэ үед л амтлах боломжтой. 

3. АНУ - Калифорни муж - Сан Диаго

Калифорни мужийн Сан диаго хот бол аялахад хамгийн тохиромжтой цаг агаартай. Энд халууны улиралд өдөрт дунджаар 22 - 25 градус дулаан харин өвлийн улиралд дунджаар 17 - 19 градус, хамгийн багадаа 8 - 10 градусд хүрдэг байна. Жилийн 300 хоногт нарлаг өдрүүд үргэлжилнэ. Сан Диагог тэр чигээрээ аялал жуулчлалын хот гэж нэрлэж болох бөгөөд үйл ажиллагаа тасралтгүй явагдаж байдаг. Мөн маш гайхалтай тогтоц бүхий далайн эрэгтэй. Ирэг орчим дагуу усны температур 20 орчим градус байдаг тул маш тааламжтай.

4. АНУ - Хавай - Оаху

Хэрвээ та халуун орноор аялахыг илүүд үзэж байвал Хавай Оаху хамгийн тохиромжтой. Нам гүм, тайван мөн цаг агаарын хувьд маш тааламжтай. Аль ч улиралд температур тогтмол 24-32 хэмийн дулаантай байдаг. Тэр чигээрээ аялал жуулчлалын хот бөгөөд хүн амаас илүү хувь нь зорин очсон гаднын жуулчид байна. 

5. БНХАУ - Zhangjiajie муж

Хэрвээ та ойрхон аялахаар төлөвлөж байгаа бол жуулчдын ихээр аялах болсон 160 орчим километр талбайг эзэлсэн байгалийн гайхалтай тогтоцтой, шилэн гүүр, тэнгэр баганадсан элсэн чулуу бүхий Хятадын Zhangjiajie мужид байрлах Wulingyuan-нд зочлоорой. Тэдгээр тэнгэр баганадсан элсэн чулуудын ихэнх нь АНУ-н Нью Йорк хотын "Empire State"-н барилгаас өндөр аж.