Өнгөрсөн баасан гарагт Алтан цомын төлөөх барилдааны В хэсэгт учраа таарсан Архангай-Булган аймгуудын багийн барилдаан 14:11 харьцаатай Архангайн бөхчүүдийн ялалтаар өндөрлөлөө. Тэгвэл бид та бүхэнд Архангай аймгийн эсрэг хийсэн хэсгийн шатны барилдаандаа нэг ч уналгүй ганцаараа ТАВ давсан Улсын начин Э.Сумъяабатыг онцолж байна. 

1. Тэрбээр 1993 оны хоёрдугаар сарын 23 оны өдөр мэндэлсэн. 
2. Булган Аймгийн Орхон сумын харьяат
3. Түүний өндөр 180 см. 
4. Түүний жин 106 кг.
5. Монголд Сумъяабат нэртэй 86 хүн байдаг. 
6. 2012 онд Булган аймгийн Орхон сумын наадамд түрүүлж, сумын заан цол хүртсэн. 
7. 2016 онд аймгийн начин, 2018 онд аймгийн заан цол хүртсэн. 
8. 2018 онд Булган аймгийн баяр наадамд сумын заан Б.Баяржаргалаар найм даван түрүүлж "Аймгийн арслан" цол хүртсэн.
9. 2021 оны Бүх цэргийн баяр наадамд үзүүрлэж, чимэг нэмсэн. 
10. 2022 онд Ардын хувьсгалын 100,101 жилийн ойн баяр наадамд улсын начин Д.Амарсайханаар тав давж улсын начин цолонд хүрсэн. 
11. Түүнийг бөх сонирхогчид "Чоно" хэмээн хочилдог. 
12. Тэрбээр "Аварга" биеийн тамирын дээд сургуулийг төгссөн. 
13. Өнөө жилийн Улсын баяр наадамд тэрбээр гурвын даваанд Аймгийн арслан Т.Довчинсэмбээг амлан барилдаж өвдөг шороодсон. 
14. Сүхбаатар аймгийн Мөнххаан сумын 100 жилийн ойн барилдаан нь түүний улс, аймгийн алдар цолтой бөхчүүдийн барилдаанаас авсан анхны түрүү юм. 
15. Тэрбээр саяхан болсон АЛТАН ЦОМ-ын төлөөх хэсгийн эхний барилдаанаа Архангай аймгийн эсрэг хийж, таван даваа авсан. Өмнө жил Хөвсгөл аймгийн багийн эсрэг таван даваа авч байв. 

Л.Сайнаа