Гэр бүл, найз нөхөд, ажлын хамт олон чөлөөт цагаа үр бүтээлтэй өнгөрүүлнэ гэдэг хамгаас чухал. Учир нь интернэт, компьютер, соронзон орчноосоо түр ч болов холдож, стресстэй байдлаасаа ангижирч, чөлөөт цагаа хайртай хүмүүстээ зориулах нь тухайн хамт олон, гэр бүлийн уур амьсгалд ч эерэг нөлөөтэй билээ. Тэгвэл энэхүү гайхалтай орчинг бүрдүүлж чадсан Уян боулинг спорт төв үүд хаалгаа нээлээ.
Тус төв нь болиунгаас гадна байт харваа, хийн буу, гольф, биллиард, дартс, ширээний хоккей зэрэг спортын олон төрлүүдийг 550 м2 талбайд нэг дор байгуулсан гэдгээрээ онцлог юм.
Нээлтийн үйл ажиллагаа арванхоёрдугаар сарын 5-ны өдөр болсон бөгөөд энэ үеэр "Өнөрбүл" хүүхдийн төвийн хүүхдүүд урлагийн үзүүлбэр үзүүлж, зочдод бэлэг барьжээ.
Мөн "Уян боулинг" спорт төвөөс "Өнөрбүл" хүүхдийн төвийн найман сурагч, хоёр багшид нэг жил үнэ төлбөргүй үйлчлүүлэх эрхийн бичгийг гардуулан өгсөн юм.
