Ойрын өдрүүдэд нийслэл Улаанбаатар хотод АИ92 шатахууны хомсдол үүсэж, ШТС-ууд дээр төвлөрсөн урт дараалал үүсээд байгаа билээ. АИ92 шатахууны 90 хувийг хойд хөрш ОХУ-ын Ангарскийн үйлдвэрээс авдаг аж. Захиалсан шатахуун манай улсад ирэх гэж 4-5 өдрийг зарцуулдаг бөгөөд одоогоор 18 мянган тонн шатахуун ирж байгаа гэх мэдээллийг Уул уурхайн сайд Ж.Ганбаатар мэдэгдэв.
Тэгвэл зарим иргэдийн ярьж буйгаар шатахууны уг хомсдолтой холбоотойгоор хувиараа такси үйлчилгээнд явдаг иргэд нэг километрийн үнийг 3000 төгрөгт хүргэсэн байгаа ажээ. Бүгд биш ч мэр сэр иргэд дур мэдэн километр тумын үнийг ийн нэмээд байгааг иргэд баталж буй.
Үүнийг дагаад хүнсний ногоо, бараа бүтээгдэхүүний үнэ тэнгэрт хадах нь мэдээж. Хэрэв энэ байдал удаан үргэлжилбэл өвлийн цагаар иргэд модоо барих аюул нүүрлэх нь ээ.
