Өчигдөр Их эзэн Чингис хааны мэндэлсний 850 жилийн ойг тохиолдуулан бүх нийтээрээ амарсан. Уг өдрийг монголчууд тэмдэглэх нэрийдлээр архи согтууруулах ундаа хэтрүүлэн хэрэглэж, гэмт хэрэг үйлджээ. Тухайлбал, хүчингийн гурван хэрэг цагдаагийн байгууллагад бүртгэгдсэн байна. Тодруулбал, Нийслэлийн Баянгол дүүргийн 20-р хорооны нутагт байрлах “MT” колонкийн дэргэдэх караоке баарны ойролцоо 25 настай О гэгч эмэгтэйг өөрийгөө Б гэж танилцуулсан 160 см өндөртэй залуу хүчинджээ. Мөн Чингэлтэй дүүргийн нутагт 23 настай Б согтсон үедээ “Nissan note” маркийн машиндаа 18 настай Б-г айлган сүрдүүлж, хүчиндсэн байна. Гэмт этгээдийг хэргийн газраас зугтаж байх үед хөдөлгөөнт эргүүлийнхэн баривчилжээ. Түүнчлэн Сүхбаатар дүүргийн нутаг 12-р хороонд 11 настай М-ийг 37 настай Э гэгч бусадтай бүлэглэн хүчирхийлжээ. Уг хэргүүдийг харьяа дүүргийн цагдаагийн хэлтэст шалгаж байна.
Б.Чимэг
Сэтгэгдэл (35)