МАН-ын бүлгийн хуралдаанаас гаргасан шийдэрийн талаар МАН-ын бүлгийн дарга Д.Тогтохсүрэн танилцуулж, дараах мэдээллийг өглөө. 

Тэрбээр "Өнөөдрийн хуралдаанаар гурван асуудлыг хэлэлцлээ. Сар гаруй хугацаанд чуулган хуралдана. Энэ хугацаанд УИХ-ын тухай гурван хууль, мал аж ахуйн салбартай холбоотой гурван хууль болон баялгийн сангийн тухай хуулиудыг тавдугаар сарын 15-наас өмнө хэлэлцэн батална. Хоёрдугаарт, чуулганы ирц, байнгын хорооны ирцийн талаар ярилцлаа. УИХ-ын гишүүдийн чуулганы хуралдаанд байнга суу гэдэг чиглэл өгч байгаа. Тавдугаар сарын 15-наас өмнө гишүүд орон нутаг руу явах шаардлагатай байна гээд байгаа юм. Явуулахгүй байж болохгүй байна. 

УИХ-ын гишүүнд нэр дэвшүүлэхдээ гурван үндсэн журам баримтална. 

1. Тойргуудад хийгдсэн социологийн судалгаа, олон түмний дэмжлэг ямар байна вэ гэдэг гол асуудал
2. Хэрэг төвөгт холбогдсон эсэх болон ёс зүйн асуудлыг анхаарч үзнэ
3. Олон түмний дунд нэр хүнд нь ямар байна вэ гэдгийг харгалзан үзэж нэр дэвшүүлнэ" гэв. 

Д.Батчулуун