Таны амралтын өдөрт зориулан 20,21-ний өдрүүдэд болох үзвэрийн хуваарийг хүргэж байна.
Клеопатра
Бернард Шоу "Цезарь Клеопатра хоёр", Уильям Шекспир "Антони Клеопатра хоёр" жүжгүүдийн зохиол "Монгол Театр"-ын анхны уран бүтээл "Клеопатра" түүхэн сэдэвт сонгодог драмын жүжиг.
Тасалбарын үнэ 40-180 мянган төгрөг. Дөрөвдүгээр сарын 20-21-ний өдрүүдэд Улаанбаатар театрт 19:00 цагаас тоглогдоно.
Саанжий, Мөөнжий шидэт чулууны эрэлд
Саанжий, Мөөнжий ах дүү хоёр хар шидийн шулмаас аав ээж хоёрыгоо аврахын тулд урт аялалд гарч олон олон үлгэрийн баатруудтай учирч шидэт чулууг олсноор хар шидийн шулмыг даран устгаж аав ээж хоёрыгоо хорон санаатнаас аварч байгаа тухай өгүүлэх хүүхдийн жүжиг.
Тасалбарын үнэ 30 мянган төгрөг. Дөрөвдүгээр сарын 20-ны өдөр Ulaanbaatar palace-д 12:00 цагаас тоглогдоно.
“Амьдралын минь найз”
Нэгэн үеийг элээж түүх болно оо
Нэр нэгтээ дуудуулж домог болно оо
Нэгэн цагийн хүрдэнд буян хурайлж
Нэн эртний үлгэр шиг жаргал бичнэ ээ…
МУСТА Дуучин Г. Даваадалай МУСТА Ятгачин, Дуучин Ө. Бохьшарга нарын "АМЬДРАЛЫН МИНЬ НАЙЗ" хамтарсан уран бүтээлийн тоглолт 2024.04.20нд 19:00 цагаас Улаанбаатар Палас-н концертын их танхимд тоглогдоно. Тасалбарын үнэ 40 мянган төгрөг.
