Говь-Алтай аймгийн Жаргалан сумын байгаль хамгаалагч нар өнөөдөр Жаргалан уулын арван байршилд бороо, цасны ус хуримтлуулах 13 цөөрөм, тогтоолыг хийжээ. Тус уулын аманд цөөн тооны худаг бий. Гэвч задгай булаг, шанд үүнээс өөр байхгүй учраас зэрлэг амьтдад усны хүрэлцээ муу байдаг. Шинээр цөөрөм, тогтоолыг хийснээр Жаргалан уулан дахь зэрлэг амьтдын усан хангамж нь сайжирч, амьтад тогтвортой суурьшиж, тэр дундаа янгирын сүрэг өссөнөөр ирвэс айлын малд халдах асуудал тодорхой хувиар буурах боломжтой аж.