Хөгжмийн зохиолч Б.Магсаржавын аялгуугаар бүтсэн “Хайранд мансуурсан аялгуу” тоглолт ирэх сарын 22, 24-нд Бөхийн өргөөнд зохион байгуулах гэж байгаа талаар дуучид мэдээлэл хийлээ.

“Зүүдэн бороо”, “Насны намар”, “Сүүн далай ээж”, “Ээжийн чанасан цай”, “Хуарангийн шөнө”, “Би хөдөөний хүн”, “Зүрхний уяа”, “Хар нүдэн бүсгүй”, “Монгол омогши” зэрэг дуугаар нь ард түмэн түүнийг эчнээ мэдэх билээ. Эдгээр дуунуудыг түмэнд хүргэсэн Монгол Улсын гавьяат жүжигчин Г.Батбаяр, Б.Сийлэгмаа, С.Жавхлан, С.Вандан, Д.Дуламсүрэн, СТА Н.Төмөрхуяг, Л.Болдбаатар, Б.Энхмэнд, А.Түмэн-Өлзий нар энэүү тоглолтод оролцоно. Мөн Улсын филармоны симфони найрал хөгжим, БЦДБ-ын чуулгын бүжигчид оролцох юм байна. Үүний зэрэгцээ Ардын уран зохиолч Б.Лхагвасүрэн, СГЗ Ш.Дулмаа, Ш.Гүрбазар нар шүлгэн мялаалга өргөнө.