Жүдо бөхийн насанд хүрэгчдийн 2024 оны дэлхийн аварга шалгаруулах тэмцээн АНЭУ-ын нийслэл Абу Даби хотноо энэ сарын 19-24-ны хооронд зохион байгуулагдана.

ДАШТ-д 103 орны эрэгтэй 317, эмэгтэй 298 нийт 615 жүдоч барилдахаар мэдүүлэгт нэрээ өгсөн байна.

Энэхүү тэмцээнд манай улсаас эрэгтэй 9, эмэгтэй 9 нийт 18 тамирчин барилдана. Эмэгтэйчүүдийн -48кг, 57кг, эрэгтэйчүүдийн -60кг, -66кг, -73кг жинд тус бүрт хоёр, хоёр тамирчин оролцож байна. ОУХМ Б.Гончигсүрэн энэ удаагийн ДАШТ-ийг өнжиж байгаа аж.

ДАШТ-д барилдах шигшээ багийн тамирчдыг танилцуулж байна.

Эмэгтэй:

-48кг Г.Наранцэцэг, Б.Баасанхүү

-52кг  Л.Сосорбарам

-57кг  Л.Энхрийлэн, М.Ичинхорлоо

-63кг  Б.Ганхайч

-70 кг Б.Ням-Эрдэнэ

-78кг  О.Хүслэн

+78кг  А.Адъяасүрэн

Эрэгтэй:

-60кг  Э.Ариунболд, Б.Цогт-Очир

-66кг  Ё.Басхүү, Б.Эрхэмбаяр

-73кг  Ц.Цогтбаатар, Б.Эрдэнэбаяр

-81кг  Г.Болор-Очир

-90кг  Г.Алтанбагана

+100кг  О.Цэцэнцэнгэл

Дэлхийн аваргын эхний өдөр эмэгтэйчүүдийн 48, 52 кг, эрэгтэйчүүдийн 60кг-ын жингийн тэмцээн болно. Харин хоёр дахь өдөр эмэгтэйчүүдийн 57кг, эрэгтэйчүүдийг 66, 73кг-ын жингийн барилдаан явагдана. ДАШТ-ий гурав дахь өдөр эмэгтэйчүүдийн 63кг, эрэгтэйчүүдийн 81кг, тэмцээний дөрөв дэх өдөр эмэгтэйчүүдийн 70, -78кг, эрэгтэйчүүдийн  90кг-ын жингийн барилдаан болно. Дэлхийн аваргын тав дахь өдөр эмэгтэйчүүдийн +78кг, эрэгтэйчүүдийн -100, +100кг-ын барилдаан явагдана. Харин ДАШТ-ий сүүлийн өдөр холимог багийн тэмцээн явагдаж 2024 оны дэлхийн аварга өндөрлөх юм.

А.Сүх