БАРИМТ 1
Тэр “Sweetymotion” хамтлагийн ахлагч.
БАРИМТ 2
Тэр ээж, аавынхаа бахархал нь болсон сайн охин байх сан гэж хүсдэг.
БАРИМТ 3
“Sweetymotion” хамтлагийн найзуудтайгаа дунд сургуулийн жаахан охид байхаасаа л найзалсан. Тэр үеэс амьдрал, уран бүтээл, хувь заяагаа хүртэл холбосон гэдэг.
БАРИМТ 4
Баян, ядуу нь хамаагүй. Хамгийн гол нь ирээдүйг хамтдаа төсөөлж, түүнийхээ төлөө тэмцэж чаддаг, буурьтай, ухаантай эр хүн л түүний хувьд САЙХАН.
БАРИМТ 5
Тэр багадаа тагнуулч, цагдаа болохыг хүсдэг байжээ.
БАРИМТ 6
Тус хамтлагийнхан АНУ-д нэлээд олон жил ажиллаж амьдраад Монголдоо эргэн ирснээс хойш уран бүтээлээ хийхийн сацуу тус бүрнээ амжилттай карьерыг эхлүүлж, хувийн амьдралаа цогцлоож буй.
БАРИМТ 7
Э.Ганболорын хувьд медиа салбарт хөл тавьж, VTV телевиз болон “Монгол контент” компанид удирдах ажил эрхлэхдээ олон сонирхолтой төсөл, контентыг санаачилж хэрэгжүүлсэн.
БАРИМТ 8
Тэр нэг хүүтэй.
БАРИМТ 9
Артист менежмент, эвент менежмент хийх зорилготой энэ төсөлд ажиллаж, дуучин Г.Ариунбаатарын тоглолтыг зохион байгуулах, дуучин С.Гантогоотой менежментийн гэрээ үзэглэх зэрэг олон ажилд хувь нэмрээ оруулсан
БАРИМТ 10
Тэр сүүлийн жилүүдэд соло уран бүтээл хийж байгаа. 2017 онд би анхны бие даасан цомгоо гаргасан. Цомгийн маань “Гурван үг” дуун дээр нэгэн авьяаслаг залуу Remix хийсэн байсныг нь TJ энтертайнмент хэзээ нэгтээ гоё клип болгож өгнө гэж амласан байдаг.
БАРИМТ 11
Тэр 2019 онд нээлтээ хийсэн “Hi Honey” кинонд жижигхэн дүр бүтээсэн.
БАРИМТ 12
Анх 7 настайдаа Хөгжим бүжгийн сургуульд орж, өсвөр наснаасаа тайзан дээр гарч, урлагийн хүний мэдрэмжийг хар багаасаа л амсаж өссөн.
БАРИМТ 13
Тэрбээр салбар бүрийн мундаг хүмүүсээс урам зориг олж авдаг нэгэн.
БАРИМТ 14
БСШУ-ны дэд сайд асан Г.Ганбаяртай нэг хэсэг хайр дурлалын романс үүсгэж байгаад АНУ рүү нисэн одож, хайр дурлал нь ч дуусгавар болсон гэдэг.
БАРИМТ 15
Хүмүүс түүнийг МАН-тай холбоотой гэж ярьдаг.
БАРИМТ 16
Удаан ганц бие явсан тэрбээр 40 гаран насандаа буюу 2023 онд гэр гийгүүлэгч болжээ.
БАРИМТ 17
Тэрбээр бусдад үлгэр дуурайлал болсон бүсгүй.
БАРИМТ 18
Тэрбээр 2017 онд хамтлагийнхаа 20 жилийн ойг угтан анхны бие даасан "Ганцаараа байхдаа" цоигоо гаргаж байв.
БАРИМТ 19
Түүний уг цомог нь нийт 9 уран бүтээлээс бүрддэг. Үүнд, Э.Ганболорын ганцаараа дуулсан “3 үг”, “Мөр”, “Минийх”, “Зүүдэн”, “Улаанбаатарын үдэш”, “3 үг” ремикс зэрэг зургаан дуу багтсан байна. Харин үлдсэн “Welcome to the New World”, “S.E.X”, “Хайрыг уучил” зэрэг гурван дуу нь “Sweetymotion” хамтлагийнх бөгөөд цомгийн bonus track-аар оржээ.
БАРИМТ 20
Тэр Саша гэх нохойтой.
БАРИМТ 21
Э.Ганболорын нөхөр нь хөлбөмбөг сонирхдог, бизнес эрхэлдэг.
БАРИМТ 22
Э.Ганболор сүүлийн дугаар дээр оноогоороо хол тасархай түрүүлсэн.
БАРИМТ 23
Тэрбээр 2023 оны Улсын баяр наадмын продюсерээр ажиллаж байв.
БАРИМТ 24
Тэрбээр яг түүн шиг шоуны хоёр дахь дугаарын ялагч болохдоо Enrique Iglesias-ийн Bailamos дууг чадварлаг амилуулсан юм.
Сэтгэгдэл (9)