МБФХ-ноос мистер Т.Батнасанг хар тамхитай тэмцэх хэлтэст шалгуулахаар дараах мэдэгдлийг гаргалаа.

Тус мэдэгдэлд, "МБФХ-ны мистер Т.Батнасан нь УАШТэмцээний шүүлтнээс үүдэлтэй гомдлоо зүй бусаар гаргаж МБФХ-ны шүүгч нарыг заналхийлж, дарамталж, ерөнхий шүүгчийг ажлын байрандаа байх үед биед нь халдаж, зодож, танхайрч, холбооны Ерөнхий нарийн бичгийн даргыг зүй бус үг хэллэгээр дайрч доромжилж, холбооны оффиссын эд хогшлыг эвдэж, холбооны бүх түүх, баримт, файл байгаа нөүтбүүкийг эвдэлсэн зүй бус үйлдэл гаргалаа. Энэ үйлдэл нь МБФХ-ны нэр төрд ноцтойгоор халдсан үйлдэл юм.

Иймээс бид Т.Батнасан мистерийн гаргасан үйлдлийг хуулийн дагуу шийдүүлэхээр ХУД-ийн цагдаагийн 1-р хэлтэст гомдол гаргасан бөгөөд тухайн үеийн гаргасан үйлдлийнх нь биеийн хэлэмжээс харахад мансууруулах бодис хэрэглэсэн байж болзошгүй гэж үзэн хар тамхитай тэмцэх хэлтэст мөн шалгуулахаар гомдлоо хүргүүлээд байна.

Мөн холбооны удирдлагыг өөрийн мэдэлд авна гэж биднээс шаардлаа. Одоо ажиллаж байгаа холбооны удирдлага нь хууль ёсны удирдлага тул эрх мэдлийнхээ хүрээнд дараах шийдвэрийг гаргаж байна.

МБФХ-ны Тамирчны ёс зүйн дүрмийн 2.1, 2.2, 2.3, 2.4, 2.5, 2.6, 2.7 дугаар зүйлийг тус тус үндэслэн ТУШААХ нь:

1. Т.Батнасан мистерийг МБФХ-ны хамаарал бүхий дотоодын болон гадаадын тэмцээнд орох эрхийг 4 жилээр хассугай.

2. Холбооны нэр хүндэд халдсан бусад тамирчдад энэхүү мэдэгдлээр дамжуулан сануулах арга хэмжээ авсугай.

3. Нэр бүхий тамирчдад энэхүү сануулгыг албан бичгээр хүргүүлэхийг холбооны нарийн бичиг /Б.Отгонцэцэг/-т үүрэг болгосугай.