УИХ-ын чуулганы хуралдаан үргэлжилж байна. Хуралдаанаар Хуралдаанаар Авлигатай тэмцэх үндэсний хөтөлбөрийг хэрэгжүүлэх арга хэмжээний төлөвлөгөө батлах тухай” Улсын Их Хурлын тогтоолын төслийг хэлэлцэж байна. Энэ үеэр УИХ-ын гишүүн О.Цогтгэрэл үг хэлж, асуулт асуулаа. 

Тэрбээр "Авлигатай тэмцээд байж яагаад хэрэг, зөрчил нь буурдаггүй юм бэ. Яагаад авлигын хэрэгт холбогдогчдод хариуцлага оноодоггүй юм бэ гэдгийг иргэд асууж байна. Мөн авлига, албан тушаалын хэрэгтэй үнэхээр тэмцээд байгаа юм бол яагаад хохирол барагдахгүй байна гэсэн. Миний явсан газраар иргэд ийм л зүйл ярьж байна.

Одоо авлигатай тэмцэх үндэсний хөтөлбөр гэж батлагдах нь. Нүүрсний хэрэг байна. Үндэсний аюулгүй байдлын зөвлөл бүхнийг нууцад авснаас болж мэдээлэл байхгүй, гэрчүүд тодорхойгүй, шүүх хурал нь хаалттай болсон. Авлигалтай тэмцэх чин хүсэл манай төрд байгаа юм уу. Иргэд ийм л зүйлийг ярьж байгаа юм" гэв.