Баримт 1
1990 оны нэгдүгээрр сарын 04-нд төрсөн. Өдгөө 34 настай.
Баримт 2
Германы мэргэжлийн хөлбөмбөгчин бөгөөд Ла лигийн Реал Мадрид клуб болон Германы шигшээ багт хагас хамгаалагчаар тоглодог.
Баримт 3
Бүх цаг үеийн хамгийн шилдэг хагас хамгаалагчдын нэг гэдгээрээ алдартай тэрбээр алсын хараа, дамжуулалт, ухаалаг байдал, хөндлөн дамжуулалт, бөмбөг таслах чадвараараа цуутай нэгэн.
Баримт 4
Кроос голчлон төвийн хагас хамгаалагчийн байрлалд тоглодог ч карьерынхаа туршид яг л довтлогч шиг гол тоглогч байсаар ирсэн.
Баримт 5
Кроос 2007 онд 17 настайдаа анхны тоглолтоо Байерн Мюнхен клубт хийсэн. Гэвч клуб түүнийг маш бага ашиглаж, Бундеслигийн хамтрагч Байер Леверкузенд 18 сарын зээлээр тоглуулсан нь чадвараа харулах гол мөч байв.
Баримт 6
Байернтай хамт Кроос 2 дараалан лигийн аварга болж, УЕФА Аваргуудын лиг , DFB-Pokal-д хоёр удаа түрүүлсэн. Чадвараа нэгэнт харуулсан тэрбээр 2014 онд 25 сая еврогоор Реал Мадридад ирсэн юм.
Баримт 7
Мадридын хамтаар тэр 4 удаа Ла лиг , 4 удаа УЕФА Аваргуудын лигт түрүүлсэн. Эдгээр нь 2016-2018 онд тохиосон нь түүний замналын хамгийн оргил үе байсан гэж хэлж болно.
Баримт 8
Тэдний баг "FIFPro World11" болон UEFA-гийн оны шилдэг багаар гурван удаа, лигийн улирлын шилдэг багаар хоёр удаа шалгарч байжээ . Тэрбээр 2014 онд IFFHS-ийн дэлхийн шилдэг тоглогч , 2018 онд Германы оны шилдэг хөлбөмбөгчөөр шалгарсан.
Баримт 9
Кроос 2006 оны 17 хүртэлх насны Европын аварга шалгаруулах тэмцээнээс Алтан тоглогч, мөн шилдэг мэргэн буучаар шалгарч байсан бол 2007 оны 17 хүртэлх насны хөлбөмбөгийн дэлхийн аварга шалгаруулах тэмцээнээс Алтан бөмбөг хүртсэн.
Баримт 10
Тэрбээр 2010 онд 20 настайдаа Германы шигшээ багийн төлөөх анхны тоглолтоо хийж, зургаан томоохон тэмцээнд оролцсон. Кроос Германыг 2014 оны хөлбөмбөгийн дэлхийн аварга шалгаруулах тэмцээнд түрүүлэхэд гол үүрэг хүлээсэн юм. Тэрбээр шилдэг гоолын дамжуулалт өгч, Бүх оддын баг, Мөрөөдлийн багт орж, Германы оны шилдэг тоглогчоор шалгарсан.
Баримт 11
Тэрбээр Германы шигшээ баг 2021 онд УЕФА Евро 2020 тэмцээнээс хасагдсаны дараа шигшээ багаасаа зодог тайлж байгаагаа зарласан. Учир нь хүмүүс түүний амжилтыг тааруу гэж үнэлсэн юм.
Баримт 12
Кроос 2024 онд УЕФА Евро 2024 тэмцээнд эх орондоо тоглохоор шигшээ багт эргэн ирснээ зарлав. Гэсэн ч тэмцээний дараа зодог тайлна.
Баримт 13
Кроос Германы Мекленбург-Ворпомерн мужийн Грейфсвальд хотод төрсөн.
Баримт 14
Тэрбээр мэргэжлийн хөлбөмбөгчин байсан Феликс Кроос хэмээх нэг дүүтэй.
Баримт 15
Түүний аав Роланд Ханса Росток багийн залуучуудын дасгалжуулагчаар ажиллаж байсан.
Баримт 16
Тэрбээр дунд зэргийн сурлагатай хүүхэд байсан бөгөөд хөлбөмбөгийн спортоор хичээллэхэд маш их цаг зарцуулдаг байжээ. Гэсэн хэдий ч тэрбээр ангидаа биеэ авч явах чадвар сайтай, сургуулийнхаа үе тэнгийнхний дунд нэр алдартай байв.
Баримт 17
Кроос 2015 оны зургадугаар сарын 13-нд удаан хугацаанд үерхсэн найз бүсгүй Жессика Фарбертай гэрлэж, хоёр хүү, нэг охинтой. Тэд Майорка арал дээр байшин эзэмшдэг.
Баримт 18
Тэр Реал Мандридын төлөө 306 тоглолтод оролцож, 22 гоол оруулжээ.
Баримт 19
Харин Германы шигшээ багийн төлөө 108 тоглолтод оролцож, 17 гоол оруулсан.
Баримт 20
Түүний биеийн өндөр 183 см гэнэ.
Баримт 21
Өмсгөлийн дугаар нь "8".
Баримт 22
Түүний баруун хөлийн дамжуулалт, цохилт бусад тоглогчдынхоос илүү хүчтэй, уртай гэлцдэг.
Баримт 23
Тэрбээр замналынхаа туршид бусад тоглогч нар шиг асуудалд нэр холбогдож яваагүй.
Баримт 24
Тийм ч учир түүний сүүлийн тоглолтыг Реалын хөгжөөн дэмжигчид түүнийг үдэх баяр болгон тэмдэглэж, цэнгэлдэх даяар талархлаа илэрхийлж уухайлсан юм.
Сэтгэгдэл (9327)