АНУ-ын үндэсний сагсанбөмбөгийн лиг NBA-д тоглох хамгийн өндөр боломжтой тоглогч гэгддэг Ш.Энхийн-Од  их сургуулиа дахин сольжээ. Тэр анх Dayton их сургуулийн багаас гараагаа эхэлж байсан ч өнгөрсөн оноос Сан Франциско Донс багт хүчин зүтгэх болсон. Харин одоо тэр Юта Ютес баг руу шилжив. Ш.Энхийн-Од өнгөрсөн дөрөвдүгээр сарын 10-ны өдөр солилцооны порталд нэрээ байршуулсан учир хэд хэдэн их сургууль түүнийг сонирхож байгаагаа илэрхийлсэн юм. 

Өнгөрсөн улиралд тэр Сан Францискогийн их сургуульд 7.7 оноо, 3.0 самбар, 2.7 оновчтой дамжуулалт дунджилж, 42.4 хувьтай довтолж, 36.4 хувьтай гурван онооны шидэлтийг гүйцэтгэжээ.

"247Sports"-ийн үзүүлэлтээр Майк 2022 оны драфтын ангийн 93 дугаарт, дөрвөн одтой үнэлэгдсэн билээ. Мөн тэрбээр байрлалдаа үндэсний хэмжээнд 22 дугаарт, Охайо муждаа нэгдүгээр эрэмблэгдсэн.

Л.Сайнаа