Баримт 1
Европын аварга шалгаруулах тэмцээн 17 дахь удаагаа болох гэж байна.
Баримт 2
Тэмцээний хамгийн онцлох тоглогчоор Португалын домог Кристиано Роналдуг нэрлэж байна.
Баримт 3
Кристиано Роналду Европын Аваргад шигшээ багтаа дуудагдснаар нийт 6 удаа оролцож буй цор ганц тоглогч болох юм.
Баримт 4
Өмнө нь Испани хаалгач Икэр Касильяс 5 удаа оролцож байсан ч 2000, 2016 онд талбайд гараагүй.
Баримт 5
Роналду бүгдэд нь талбайд гарч тоглолт, гоол, хамгийн их тоглосон минут гэх мэт Еврогийн бүх цаг үеийн ихэнх рекордыг эзэмшдэг юм
Баримт 6
Эцсийн байдлаар шилдэг 24 баг оролцож буй. Тэдгээрийн 20 нь Европын сонгон шалгаруулалтаар баталгаажсан бол үлдсэн гурав нь гуравдугаар сард болох плей-оффын тоглолтоос шалгараад байна.
Баримт 7
Тэдэн дээр зохион байгуулагч Германы шигшээ баг нэмэгдээд 24 баг бүрдэж байна.
Баримт 8
Тэмцээнд өмнө нь түрүүлсэн 9 баг оролцох эрхээ авсан нь Чех, Дани, Франц, Герман, Итали, Нидерланд, Португал, Словак, Испани юм
Баримт 9
Берлин, Кёльн, Дортмунд, Дюссельдорф, Франкфурт, Гельзенкирхен, Гамбург, Лейпциг, Мюнхен, Штутгарт гэсэн Германы 10 хот тоглолтууд болно.
Баримт 10
Зохион байгуулагч Герман Европын финалын тэмцээнд бусад улсуудаас олон, 14 дэх удаагаа оролцож байна. Испанийн шигшээ багийн адил тэд гурван удаа аваргалсан.
Баримт 11
Багууд 23-26 тоглогчоос бүрдэнэ. Тэд багийн бүрэлдэхүүнээ нээлтийн тоглолтоос бүтэн долоо хоногийн өмнө зарлах учиртай.
Баримт 12
Тэмцээн 6-р сарын 14-нд Мюнхенд нээлтээ хийж, 7-р сарын 14-нд Берлинд болох финалын тоглолтоор хаах юм. Нийт 31 хоног үргэлжилнэ.
Баримт 13
Түрүүлсэн багт 40 алтан медаль, дэд байрт 40 мөнгөн медаль гардуулна.
Баримт 14
Тэмцээний туршид нийт 51 тоглолт явагдана.
Баримт 15
Тэмцээнийг амжилттай зохион байгуулахад 16 мянган сайн дурынхан ажиллаж буй.
Баримт 16
Финалын тоглолт 71 мянган хөгжөөн дэмжигчтэй "Олимпиастадион"-д болно.
Баримт 17
2,7 сая тасалбарын 80 гаруй хувиар тэмцээнд оролцох багуудын хөгжөөн дэмжигчид болон олон нийт үзэх боломжтой. Үлдсэн нь урилга хэлбэрээр тараагджээ.
Баримт 18
Нийт 32 сая еврогийн хөрөнгө оруулалтаар зохиогдож байна.
Баримт 19
“UEFA EURO 2020“-той ижил буюу нийт 331 сая еврогийн шагналын сантай.
Баримт 20
Босни Герцеговина, Эстони, Гүрж, Израиль, Казахстан, Люксембург гэсэн 6 баг хамгийн эхэнд тоглоно.
Баримт 21
2020 оны Европын аваргаар Италийн шигшээ баг шалгарсан. Тэд торгуулийн цохилтоор Английг буулган авсан билээ.
Баримт 22
Тэмцээний А хэсэгт Герман, Шотланд, Унгар, Швейцарь, В хэсэгт Испани, Хорват, Итали, Албаниийн шигшээ багуууд багтсан.
Баримт 23
Харин С хэсэгт Словени, Дани, Серби, Англи, D хэсэгт Нидерланд, Франц, Польш, Австрийн шигшээ багууд багтжээ.
Баримт 24
Сүүлийн E хэсэгт Украин, Словак, Бельги, Румын, F хэсэгт Португал, Чех, Гүрж, Туркийн шигшээ багууд багтаад байна.
Сэтгэгдэл (8)